فراه ده 30 طالب اولدیریلگن

افغانستان غربیده فعالیت قلاتکان 207 چی ظفر قول اردوسی ترقتکن بیانیه سیده فراه ولایتی ده دولت مخالف لریدن 30 کشی اولدیرلگنی دن خبر بیرگن.

بو عصیانچی لر افغان و خارجی حربی لر تمانیدن یولگه قویلگن بیرمشترک حربی عملیات ده ، فراه ولایتی نینگ گلستان ولسوال لیگی ده هلاک بولگنی ایتلگن

عملیات تورت کون الدین ملی اردو ، ملی پولیس و ایساف قوت لری تمانیدن گلستان ولسوالی لیگی نی کوه بند ،کوه سرخ ،سیا کوه و بوجی بست منطقه لریده یولگه قویلگن .

هرات ده جایلشگن 207 ظفر قول اردو سی تمانیدن بو حقده ترقتلگن بیانیه ده ایتلیشی چه نوید اسمیده ناملنگن بو تازه لش عملیات ده ، 30 عصیانچی طالب اوچ قوماندان لری بیلن بیرگه اولدیرلگنی تاکید لنگن .

شونینگ دیک ظفر قول سی سوز لوچی سی دگروال نجیب الله عملیات ده ایسافکوچ لری ،هوایی قوت لریدن فایده لنگنی نی هم تاکید لی دی :

"ایککی تمان اره سیده یوز بیرگن توقنشو و ایساف طیاره لری بمباردمانی نتیجه سیده طالبان کوچلریدن 30 کشی هلاک و 15 کشی یاره لنگن. هلاک بولگن لر اره سیده طالبان نینگ اوچ محلی قوماندانی جمله دن طالبان نینگ گلستان دکی ولسوالی داخل . بو عملیات ده شونینگ دیک طالبان نینگ بیر نیچه قرار گاهی افغان و اتفاق حربی تمانیدن تصرف بولگن بو عملیات گلستان ولسوالیگی نی طالبان کوچ لریدن تازه لش اوچون باشقه ساحه لرده دوام ایته دی دیب ایتی ظفر قول اردوسی سوز لو چی سی. "

او شونینگ دیک بو عملیات ده عادی اهالی گه هیچ قندای تلفات یتکزل مگنی نی قید ایتیب اما ملی اردو عکسر لریدن بیر کشی اولدیرلگنی وایککی کشی یاره لنگن نی اچقلدی .

باشقه تماندن طالبان هم بو توغریده بیر بیانیه ترقتیب توخشو جریانیده افغان وخارجی حربی لردن 25 کشی هلاک بولگنی بو قوت لر نینگ اون نقلیه واسطه لری اورتدن کت کنی نی دعوا ایتکن.

افغانستان غربیده جایلشگن فراه ولایتی منطقه نینگ اینگ ناقرار بولگه لری جمله سیدن بولیب خصوصا بو ولایت نینگ گلستان ، بالا بلوک و پشت رود ولسوال لیگ لری بوندن الدین هم عصیانچی لرو افغان وخارجی حربی لر آره سیده کوپ گینه قان لی توقنشولرگه گواه بولیب کلگن