آلتی نفر ناتو عسکری افغانستانده اولدیرلدی

Image copyright AP
Image caption آلتی نفر حربی ماین پارتله شی عاقبتیده هلاک بولگن

افغانستانده آلتی نفر ناتو حربی لری هلاک بولگن پارتلشنی طالبان اوز ضمه سیگه آلگن . حادثه مملکت شرقیده یوز بیرگن . بو یکشنبه کونی روی بیرگن ایککینچی پارتلش دیر . آلدین راق قندهار ده اوچ ماین پارتله شی نتیجه سیده بیر ناتو حربی سی ، شونینگ دیک ، 18 محلی فقرا هم قربان بولگن . حادثه چابان ده خلق آرا یاردم بیروچی لرنینگ افغانستان گه 16 ملیارد دالر یاردم بیریشگه قرار قیلگنیدن اوتیب صادر ایتلگن . افغانستان ده گی زوروانلیکلر کینگی هفته ده کوچیگنی کوزه تیلگن. یکشنبه کونینگ اوزیده 14 نفر تینچ فقرا اولدیرلگن. مملکت شمالیده زنا قیلیشده عیب لنگن عیال محلی طالبلر تمانیدن آتیب اولدیرلگن. افغانستانده قنچه عیال"اخلاقی جنایتلر" ده عیبله نیب اولدیرله یاتگنلیگنی نظارت قیلیش مشکل. عیاللر زوروانلیک قربانلریگه ایله نیشی مملکتده تیز-تیز صادر بوله دی. عینی پیتده افغان حکومتی بوندی حاللرنی توخته تیشگه قادر ایمس. ناتو جنرال جان آلن بوندی حادثه لرنی " اوته شفقتسیزلیک" دیب قاره له گن . طالب لرنینگ عیاللر و باله لرگه نسبتن زوروانلیکلری جدی طرزده حل ایتلیشی لازم لیگنی تاکیدله گن .جناب آلن ناتو محلی حکومتگه قاتللرنی تاپیشده یاردمنی تکلیف قیلگنینی بیلدرگن . افغانستانده گی خارجی کوچلر 2014 ییلده چیقیب کیتیشی ایتله دی .