پاکستان: ناراضیلیک یوریشی قتنه شچیلری اسلام آبادگه ییتیب بارگنلر

Image copyright BBC World Service
Image caption اون مینگلب نمایشچی لرنینگ اسلام آباد گه ییتیب کیلگنلری خبر قیلنگن

40 دن آرتیق سیاسی و دینی حزب لرنینگ مینگلب اعضالری پاکستان حکومتی نینگ امریکا وناتو کوچلریگه اوز یوکلرینی آلیب اوتیشگه رخصت بیرگنیگه قرشی پایتخت اسلام آبادگه تمان لاهوردن باشلنگن یوریشلرینی دوام ییتتیرگنلر.

موترلردن عبارت قطارلر یوریشی بیر کون آلدین باشلنگن ایدی. نمایشچی لر پاکستان پایتختیگه قدر قریب بیرکیلومترلیک مسافه نی باسیب اوتیب ، اسلام آباد ده عاموی نمایش اوتکزیشنی مقصد قیلگنلر.

نمایشدن سونگ پارلمان بنا سی آلدیده ناراضیلیک ییغینی اوتکزلیشی معلوم قیلنگن. بوکون نینگ اوزیده مینگلب ، بلکی اون مینگلب نمایشچی لرنینگ اسلام آباد گه ییتیب کیلگنلری خبر قیلنگن.

نمایشچی لرگه کوره ، اولر شو یول بیلن امریکا گه نسبتن نفرتلرینی بیلدیریشماقده.حکومت نینگ خوف سیزلیک بویچه مصلحتچیسی رحمان مالککه کوره منع ایتلگن گروه لر اعضالریگه نمایشده قتنه شیشلرگه رخصت بیرلمسلیگی کیرک.

بویوریشده 200 ته چه موتر قتنه شه یاتگنی خبر قیلنگن.کوپ نمایشچی لر بس لرنینگ تاملریگه چیقیب آلیشگن، حزب بیراق لرینی کوتریب آلگن آدم لر امریکا و ناتو گه قرشی شعار لرنی ایتیب قیچقیریشگن. نمایشچی لر آره سیده پاکستانده منع ایتلگن " لشکر-طیبه" گروه ی اساسچی سی حفیظ سعید، پاکستان سابق استخبارات خذمتی رهبری حمید گل و پاکستان ده گی قدرتلی دینی حزب " جمعیت اسلامی " نینگ سعید منور حسن بولگن.