کرزی : یقینده کینگ اصلاحات گه شاهد بولشیزممکن

افغانستان جمهوررییسی حامدکرزی دولتی اداره لرده اصلاحات آلیب کیلیش و اداری فسادگه قرشی کوره شی اوچون اون تورت بنددن عبارت بولگن مخصوص بیرریجه عملی بولیشدن خبربیردی.

توکیون انجمنیدن سونگ افغانستانده قیتب بیرینچی بار کنفرانس اویشتیرگن جمهوررییس حامدکرزی توکیو انجمنیده وعده بیریلگن پوللرنی اوزجایگه صرف ایتیلیشی اوچون جدی سعی قیلیشینی سوزبیردی.

شونگه علاوه کرزی جنابلری اداری فسادگه قرشی کوره شیش واولکه نینگ ایچکی معمالرینی حل ایتیش افغانستان خلقی نینگ اساسی بورچی ایکنینی اورغوله دی.

توکیون انجمنیده افغانستان حکومتی یاردملر مقابلیده فسادگه قرشی جدی کوره شیش وعده سینی بیردی.

مطبوعات فعاللری بوندن بویان فساد گه قرشی قندی کوره شیله دی دیگن سواللرنی کرزیدن سوره دیلر.

جمهور رییس کرزی اولرنینگ سواللریگه شوندی جواب قیردی:حرکت لر باشلنگن، چاپاندن کیلشیم بیلن،مینی قیلگن بیرینچی ایشیم اصلاحات کیتریش اوچون بولگن اداره مسوللری بیلن اوچره شیش ایدی، مخصوص یغینده اولر بیلن به تفصیل گپلشدیم،اصلاحات اوچون کیرک بولگن اون تورت موضوع خصوصیده بحث بولدی. بو ماده لرنی تطبیق ایتیش حکمی اداره امور باشلیغی تامانیدن ترتیب بولگن، بو کنفرانسدن کیین اصلاحات کیتریش اوچون بو حکم گه امضا قویه من."

لیکن کرزی جنابلری اصلاحات اوچون عملده جاری ایتیلیشی ریجه لنگن اون تورت بندن عبارت بولگن چاره تدبیر لر نیمه بولگنی باره سیده اچیقچه جواب بیرمه دی.

خوب کرزی جنابلری فسادگه قرشی جدی کوره شیشینی ایترایکن ، سرمایه یاتقزیش برنامه لردن حمایه ایتوچی ایسا ناملی اداره سی نینگ یتتی یوقاری مرتبه لی خادمی اوشبو اداره ده فساد ارتیب باره یاتگنی باعث اوزوظیفه لریدن استعفا بیریشگن.

اکثریتی اوشبو اداره ده رییس و اورین باسر صفتیده وظیفه آلیب باررایکن.

استفاگه چیققن آیسا اداره سی نینگ تحقیق و پالیسی توزوچی مسوولی محمد عمر جویا اوشبو اداره ده قندی فساد موجودلیگی باره سیده شوندی دیدی:"بیزنینگ قوشمه استعفاگه چیقیشیمیز ماجراتوغدیریش اوچون ایمس قومی، حزبی وشخصی عقده لردن هم کیلیب چیقمه گن.بیزنینگ دولتدن طلبی میز اینیقسه جمهوررییس دن شو کی متخصص بیرشخصنی ایسا رییسی صفتیده تعین ایتسین، شخصی، حزبی .وقوم پرست لیک مسله لرگه نقطه قویلب شفاف بیر پروسه ارقه لی خادملر تعین لنسین ."

سرمایه یاتقزیش برنامه لریدن حمایه ایتوچی ایسا ناملی اداره رییسی بوکبی ادعالرنی اساس سیز ایکنینی ایتگن.

افغانستان دولتی اداره لریده، فساد موجودلیگی رسمیلرتامانیدن هم رد ایتیلمیدی، شوباعث هم اداری فسادگه قرشی کوره شیش اوچون نیچه اداره اچلیب فعالیت آلیب بارماقده ، لیکن بواداره لر تامانیدن یولگه قوییلگن برنامه لر نه افغانستان خلقی ونه هم دنیاجماعت چیلیگنی قانیقتیرگن. چونکی افغانستان ده یاردم بیریب کیله یاتگن ایریم تشقی اولکه لر اداری فساده گه قرشی جدی کوره شیلمه سه اوزیاردم لرینی کیسیب قویشی بیلن نیچه بار آگاه لنتیردی.