عالی اوقوو زیری بمب پارتلش حادثه سیدن امان چیقدی

Image copyright BBC World Service

بغلان ولایتیده افغانستان عالی اوقوو وزیری عیبدالله عبید نینگ موتری یقنیده بمب پارتلب. ایککی پلیس یره لنگن.، لیکن عالی اوقوو وزیری حادثه دن ساغ وسلامت قوتیلگن.

معلوماتلرگه قره گنده، جناب عبیدالله بغلان دولت یونیورسیتی سی نینگ قوریلیشی اوچون اونینگ تمل تاشینی قوییب، قندوزگه تمان حرکت قیله یاتگن دمده ایرته لبکی پیتده اوشبو پارتلش روی بیرگن.

اصلیده مقناطیس بمبی اونینگ اکمالات موتری آرقه سیدن کیله یاتگن ایککینچی بیر موترنینگ نسبتن یقینراق فاصله سیده پارتله گن.

جناب عبیدالله گه یوللاوچیلیک قیله یاتگن بغلان حاکیمی منشی عبدالمجید نینگ بی بی سیگه ایتیشیچه اوشبو حادثه ده ایککی پولیس ظابطی یره لنگن. بغلان حاکیمی بوحقده شوندی دیدی:"ساعت سکیزلرده جناب وزیر صاحب بیلن بغلان مردمی نینگ پارلمانده گی وکیلی جناب رامین بیلن مین، همه میز قندوز گه کیته یاتگن پیتده جنگل باغ یقینیده ایتب بارگنده موترلر یقینیده جاده چیتیده جایلشتیریلگن بمب پارتله دی. اونچه لیک آغیر حادثه ایمس ایدی فقط ایککی پولیس خادملری یینگیل یره لنگنلر."

باشقه تماندن افغان دولت ملازملری نینگ ایتیشیچه، لوگر ولایتی نینگ مرکزی پل علم شهریده ایککی پارتلش حادثه لری نتیجه سیده اون سککیز کیشی یره لنگن.

محلی مقاملرنینگ گواهلیک بیریشیچه ایسه، یره لنگنلرنینگ کوپچیلیگینی عادی فقرا تشکیل بیریشی بیلن بیرگه، پولیس ظابطلری هم بو حسابگه کیره دی.

سونگی ناقرارلیکلرنینگ کیلیب چیقیشی عادتده گی دیک جدی خواطرلرگه سبب بولیب کیلماقده اما، پولیس کوچلری نینگ ایتیشیچه، اوشبو ناقرارلیکلرنی تینچیتیش اوچون اولر هر قنده ی امکانیتلردن فایده لنیب، اهالی آسوده لیگی اوچون اورینیب کیلماقده لر.