حامدکرزی قضایی اداره لرده عدالت یخشی تطبیق ایتیلمه یاتگنینی قاره لب چیقدی

افغانستان جمهوررییسی حامدکرزی عدلی و قضایی اداره لرده عدالت یخشی تامینلنمه گنی باعث ایریم حالت لرده خلق، قضای قینچلیکلرینی عنعنوی رسوملر اساسیده حل ایتیب کیله یاتگنیدن خواطر بیلدیردی.

عینی حالده کرزی جنابلری عدالت ایستب محکمه لرده باش اورگن ایریم شخصلر عدالت سیزلیکلر بیلن دوچ کیله یاتگنیدن خواطر اظهار ایتدی.

افغانستا جمهورریسی حامدکرزی بو سوزلرنی قاضی عیاللر انجمنی نینگ اچیلیش مراسیمیده اظهارایتدی.

اون ییلدن بیری افغانستان عدلی وقضای اداره لری نینگ یخشی لشتریش اوچون دنیاجماعت چیلیگی نینگ همکارلیگی بیلن تورلی خیل برنامه لر یولگه قویلیب کیلینماقده، لیکن شوندی بولسه بو اداره لرده هلی هم کینگ کولمده کمچلیک لر موجود لیگی ایتیله دی.

افغانستان جمهورریسی حامدکرزی بوکونگی سوزلریده عدالت نینگ تطبیق ایتیش اوچون بولگن عدلی وقضای اداره لرده عدالت سیزلیک موجودلیگینی تیلگه آلیب بوحقده شوندی دیدی: "حاضرگه قدر هم افغانستان مردمی ، قشلاق وشهرلرده قضای معمالرینی حل قیلیش وعدالت قولگه کیرتییش اوچون ایسکیدن رایج بولگن عنعنوی رسوملرگه مراجعه قیله دیلر. دولت عدالت نی تامین قیلیشگه قادر ایمس ویاهم تیزلیک بیلن مردم نینگ مشکلی حل بولمیدی. ایریم حالت لرده خلق عدالت قولگه کیریتیش اوچون محکمه لرده مراجعه قیله دی. تاسف بیلن اولر عدالت قولگه کیریتیش اورنیده اولرمقابلیده عدالت سیزلیک بوله دی."

شونگه قوشیمچه قیلیب جمهوررییس ،عدلی وقضایی اداره لرده وظیفه لنگن شخصلرنینگ صداقت بیلن فعالیت آلیب باریشلریگه اورغوبیردی.

اونگه کوره افغانستان خلقی بو نقطه نظردن جدی قینچلیکلر بیلن یوزمه یوزبولیب کیلگن.

افغانستان عدلی وقضای اداره لریده اصلاحات آلیب کیلیش ، دولت نینگ اساسی برنامه لریدن بیری بولگن، شوندی بولسه هم اوشبو اداره لرده فسادنی ارتیب باره یاتگنی کوپچلیکنی شکایتیگه سبب بولماقده.

بوندن الدین لرهم افغانستان نینگ چیککه ناتینچ حدودلریده محکمه وقضای اداره لر فعال بولمه گنی خصوصیده شکایت لر یوزگه چیققن ایدی.

عینی حالده بعضی بیر منطقه لرده مردم قضای قینچلیک لری نینگ حل ایتش اوچون طالبانگه رجوع قیله یاتگنی هم ایتلگندی.

باشقه تماندن عدلی وقضای ادالرده دوسیه سی بولگن شخصلرنی دوسیه لری یخشی تیکشریلمه گنی انسان حقلریدن مدافعه ایتوچی تشکیلاتلرنی تنقیدلریگه سبب بولیب کیلماقده.