فیس بوک کبی اجتماعی ترماقلرنینگ، مهم علاقه واسطه سی صفتیده اهمیتی نیمه ده؟

Image caption افغانستانگه ایسه انتیرنیت علاقه لری ییتیب کیلیشی بیلن بیرگه اوندن فایده لنووچیلری نینگ سانی هم کون سه یین آشیب بارماقده.

افغانستانده بوگون نَی انجمنی تمانیدن اجتماعی ترماقلر کونی دیب اعلان قیلینگن. اخیرگی نیچه ییل مابینده اجتماعی ترماقلرنینگ جمیعت گه هم سلبی همده ایجابی تاثرات قالدیرگنی حقیده گپیریلماقده. اوزاق مدتلی اوروش و تارتیشوولردن سونگ افغانستان کبی بیر اولکه ده ایسه فیس بوک، تیویتر کبی اجتماعی ترماقلرنینگ ایجابی تاثیری کتته بولگنلیگی ایتیلماقده.

بوتون دنیاگه تانیلگن فیس بوک کبی اجتماعی ترماق وسیله سیگه، ایرکین میدیه صفتیده قره لیب کیلماقده. اجتماعی ترماقلر یاکی عمومن انتیرنیت عادتده محلی جریانلردن تارتیب، عموم جهانده روی بیره یاتگن تورلی خیل خط- حرکتلر او اونمیلی یاکی بولمه سم زیانلی فعالیتلر حقیده معلوماتلرنی ترقه تیب کیله یاتگنی اوستیده هم بحثلر بولماقده. عینی پیتده سونگی خبرلرگه کوره، بوندن نیچه مدت اول، اوزبیکستانده هم یاشلرنی ضررلی معلوماتلردن سقلب قالیش نیتیده گلوبل ترماققه نسبتن ملی چیگره اورنه تیش بوییچه نیچه بیر فعالیتلر عملگه آشیریلگن ایدی. افغانستانده ایسه هلی بو مقصدلرنی کوزگه توتیب هیچ قنده ی فعالیت عملگه آشیریلگنیچه یوق.

جاری ییل نینگ اپریل آییده فیس بو ک اجتماعی ترماقیده اوندن فایده لنوچیلری نینگ سانی توققیز یوز میلیوندن آشگنلیگی قیناق خبر صفتیده چیقگن ایدی.

«فیس بوک سایتیگه حاضرده کونیگه 300 میلیونته رسم یوکلنماقده. اجتماعی ترماقده گی دوستلیکلر سانی 125 میلیاردگه ییته دی. «Like» توگمه سینی باسیش همده فکر بیلدیریشلر سانی 3،2 میلیاردگه ییته دی.»- دیب یازگن اوزبیکستانده گی انتیرنیت سایتلریدن بیری.

اهالی نینگ فکرینی سوریشتیریب کورگنده هم اجتماعی صحیفه لر، اولرنینگ اوز فکرداشلری بیلن یقین مناسبتده بولیشلری اوچون کتته تاثیری بارلیگینی پیقب قاله میز.

گوگل ویب صحیفه لری، فیس بوک، تیویتیر، یوتیوب کبی اجتماعی علاقه قورالی بولگن صحیفه لرنینگ اشدی مخلصلری هم کوپ بولسه کیره ک.

« 2010 ییل نینگ مارچ آییده فیس بوک اجتماعی ترماققه لایکLike)) (مینگه یاقه دی) توگمه سینی قوشگن ایدی. ایندی میش- میشلرگه کوره، او، یقینده بو فونیکسیه نینگ عکسینچه سی بولگن (Hate) (مینگه یاقمه دی، نفرتلنه من) توگمه سینی هم کیریتیشگه تیارگرلیک کورماقده.»- دیب یازگن انتیرنیت صحیفه لریدن بیری. افغانستانگه ایسه انتیرنیت علاقه لری ییتیب کیلیشی بیلن بیرگه اوندن فایده لنووچیلری نینگ سانی هم کون سه یین آشیب بارماقده.