" افغانستان وتاجیکستان آره سیده گی چیگره لر باغلندی"

افغان مقاملری نینگ ایتیشیچه ایککی اولکه آره سیده گی چیگره لر وقتینچه لیک باغلنگن بولیب تاجکستانده گی حربی عملیاتلر توخته یشی بیلن قیته آچلیشی ممکن.

تاجیکستان حکومتی اوشبو اولکه نینگ بدخشان حدودلریده گی قوراللی مخالف گروه لرنینگ یوق ایتیش اوچون نیچه کوندن بیری حربی عملیاتنی یولگه قوییب کیلماقده.

افغانستان شمال شرقیده جایلشگن بدخشان، تخار وقندوز ولایتلری تاجیکستان بیلن قوشمه چیگره سی بار.

افغانستان ایچکی ایشلر وزیرلیگی چیگره لر وقتینچه لیک باغلنگنینی ایتیب، عملیات لر توخته گندن سونگ قیته آچلیشی ممکن لیگیدن خبربیردی.

رسمیلرگه کوره بوقرارعصیانچیلرنینگ ایککی تمان اوتیب قیتیشینی آلدینی آلیش اوچون بولگن.

افغانستان وتاجیکستان قریب 1300 کیلومتر قوشمه چیگره گه ایگه بو چیگره آرقه لی روسیه وغربی اولکه لرگه مخدرماده قاچاق ایتیله یاتگنی ایتیله دی.

تاجیکستانده گی سونگی وضعیت افغانستان چیگره حدودلریده هم تاثیر قالدیرگن.

افغان مقاملریگه کوره تاجیکستان حدودی بیلن چیگره داش بولگن بدخشان ولایتیده فوق العاده حالت اعلان ایتیلیب قوشیمچه افغان کوچلری چیگره ده جایلشتریلگن.

تاجکستان دولتی نینگ حربی عملیاتی سه شنبه کونی، خاروق شهریده عصیانچیلرنینگ تازه لش اوچون یولگه قوییلدی.

بوعملیات تاجیکستان بدخشان ولایتی نینگ امنیت رییسی اولدریلگنیدن کیین باشلندی.

هرچند افغانستان ایچکی ایشلروزیرلیگی بوتون چیگره لرباغلنگنینی ایته دی، بیراق قندوز ولایتی نینگ محلی رسمیلری شیربندر خان بندر ده بولگن امودریا اوستیده گی کوپریک اچیق ایکنینی ایتگنلر.

تاجیکستان دولتی اوچ مینگ دن آرتیق کوچ حربی تانک وتیک اوچرلرنی حربی عملیات اوچون افغانستان بیلن چیگره داش بولگن خاروغ منطقه سیده جایلشتیرگن.