افغان قیزی یگانه مشعل کوترووچی

Image copyright bb

19- نچی می ده باشلنگن المپیک مشعلی نینگ ییتمیش کونلیک سفری بریتانیاده، پنج شنبه کونی 5- نچی اسد اوز سفرینی توگته دی.

بو مدتده 8000 کیشی، المپیک اویینلری علامتینی 1019 ییلده اوشبو اولکه نینگ شهر و قیشلاغلریده کوتریشلری کوتیلماقده. بولرنینگ آره سیده ایککی افغان بو علامتنی کوتریش شرفیگه سزاوار بولیشگن.

اوزگه لر اوچون ایزگو الهام منبعی بوله دیگن مشعلنی کوتریب توروچی مذکور سپورتچیلر، مینگلرچه انسان آره سیدن اوزلرینینگ ایش تجربه لری اساسیده تنلنگنلر.

تکواندونینگ یاش استعداد ایگه سی

اوشبو مشعلچی لردن حسابلنگن افغانستانلیک یاشلردن بیری منیر احمد دیر.

اوزاق ییللر اول افغانستاندن بریتانیاگه مهاجرت قیلگن بو یاش سپورتچی، 2005 ییلده بریتانیا تیرمه جماعه سینینگ ملی قهرمانی دیگن لقبنی آلگن.

اوندن کیینگی ییل ایسه او بریتانیا کیکسه لرینینگ تکواندو ملی قهرمانی بولیب تنیلدی. نهایتن 2009 ییلده هم بریتانیاده اینگ یاش مربی (تکواندو استادی) عنوانیگه مشرف بولدی.

سککیز ییلدن بیری تکواندو اویینی بیلن شغللنه نیب کیلماقده من. بوتون کوچیمنی بو یولده صرفله گنمن. وطنیم اوچون کوره شیش نی سیوه من. دییدی منیر احمد. غالبن شو باعث هم او اوز شخصی تکواندو سالونینی بریتانیاده آچدی؛ و عینن شو ییر آرزولرینینگ رویابگه چیققن مکانی بولدی.

منیرنینگ تکواندو سالونیده تورلی ملیتلرگه منسوب بولگن باله لر و یاشلر تکواندو اورگنیب کیلماقده لر. بیر یاش صفتیده منیرنی بجره یاتگن ایش- حرکتلری همده بو باله لر و نوقیرانلرگه یخشی تمثال بولیب کیله یاتگنی اوچون هم مشعلنی کوتریش اوچون یگانه دلیل بولگن.

منیر مینگه ایتدی: «چراغنی یالغیز افغانستان اوچون کوتره من. مردمنی وطنیم نینگ آتینی تانیشلرینی سیوه من. بوندن تشقری بیلله شوو سالونیده فنی هیات اعضالریدن بیری صفتیده قتنشه من. و بوایسه افغان سپورتچیلریگه یخشی حس بیره دی.»

منیراحمد 2008- نچی ده گی پیکین بیلله شوولریده قتنشماقچی بولگن بیراق بیلی نینگ جراحتی سببلی قتنشه آلمه دی. 2016 ییلده بیلله شوو میدانیگه کیریشنی ایسته یدی.

افغان قیزی یگانه مشعل کوترووچی

هیله ولی لندن غربیده 300 متر حدودیده سه شنبه کونی، اوچینچی اسد چراغنی کوتردی.

هیله خانم تنلنگنی خصوصیده ایته دی: « مینی تنلنیشیم نینگ دلیلی کوپراق افغان، ایرانی و باشقه اولکه لرنینگ قاچقینلریگه یاردم بیریش بیلن باغلیق بولدی. اولر اورگنیش دوره لریدن لذتلنیشلری مین اولرنی اورگنیشگه چارله دیم.»

مشعل (چراغ) نینگ ساتیلیش احتمالی

مشعلچیلر اوز چراغلرینی 215 پاوند (340 دالر چمه سیده) گه ساتیب آلیب، ایسده لیک اوچون سقلشلری ممکن.

انتیرنیت یولیدن اوشبو چراغلرنینگ ساتیلیشی هم کوتیلماقده. مشعل کوترووچیلرنینگ ایریملری، اوز چراغلرینی انتیرنیت یولدین ساتیشگه اورینماقده لر. حتی اولرنینگ بیری 240 ودالر بهاسیگه ساتیشگه اولوریب بولگن.

اوشبو ایککی کیشی ایسه، اوز مشعللرینی ساتیشگه نیتلری یوقیلیگینی اورغولماقده لر. اولر بونی شرف بغیشلاوچی بیر ایسده لیک صفتیده سقلب قالماقچیلر.