چک ولسواللیگی نینگ حاکمی ترور ایتیلدی

میدان وردک ولایتی نینگ ولایت حاکمی بیر بیانات ترقه تیب اوشبو ولایتگه تیگیشلی بولگن چک تومن حاکمی عصیانچیلر تمانیدن هجومگه توتیلیب هلاک بولگنینی تصدیق له گن.

رسمیلرگه کوره چک تومنی نینگ حاکمی محمد اسماعیل وفا اویدن ایشخانه سی قره ب کیته یاتگن بیرپیت عصیانچیلر تمانیدن هجومگه توتیلگن.

ولایت حاکمی حادثه سببچیلری نینگ انیق لش اوچون تیکشرو ایشلر باشله نیشیدن خبربیرگن.

طالبان گروهی حادثه مسوولیتینی اوز بوینگه آلیب چک تومن حاکمی نینگ پلیس قرارگاه لریدن بیری یقینده ترور ایتیلگنینی ایتگن.

اوتگن هفته عصیانچیلر بیش ایشچی نی وردک ولایتی نینگ جلریز تومنیده اولدیرگن ایدی.همده بیر پلیس ضابطی قوشیمچه تورت پلیس نی اوغیرله گن ایدیلر.

عینی حالده قوراللی عصیانچیلر اولرنینگ قوییب یوباریش اوچون پول طلب قیلگن ایدی.

افغان امنیتی کوچلری حربی عملیات جریانیده اوشبو تورت پلیس نی ازاد ایتدی.

سونگی پیتلرده پایتخت کابل بیلن قوشنی بولگن وردک ولایتی نینگ ایریم منطقه لریده ناتینچلیک لر آرتیب بارماقده.