پکتیا ده ٢٢ مکتب ناقرارلیکلر باعث یاپیلگن

Image copyright
Image caption مکتب لرنی یاپیلیشی باعث ایکی مینگگه یقین اوقوچی لر مکتب گه قتنشه المی کیلماقده .

افغان رسمی لری کمیده ٢٢ مکتب مملکت ، جنوب شرقیده کی پکتیا ولایتیده یاپلگنینی تصدیق له گن.محلی رسمی لر بو مکتب لر خوف سیزلیک معما لری باعث یاپلگنینی ایتماقده . یاپیلگن مکتب لرنینگ اکثریتی خوف سیزلیک وضعیتی هر دایم یمان بولگن شواک ،گردی سیری و زدران ولسوالیکلریده جایلشگن . محلی رسمی لرگه کوره مکتب لرنی یاپیلیشی باعث ایکی مینگگه یقین اوقوچی لر مکتب گه قتنشه المی کیلماقده . معارف رسمی لری هم اوقوچی وهم اوقیتووچی لرنی تورلی ولایت لرده قوراللی مخالف گروه لر تهدید گه دوچ کیله یاتگنینی ایتماقده. پکتیا ولایتی معارف ملازم لریدن بیرینی بی بی سی گه ایتیشیچه قوراللی عصیانچی لر تورلی ولسوالیکلرده اوقوچی و اوقیتووچی لرنی اولدیرش بیلن تهدید قیلگن. اونگه کوره عصیانکارلر اوقیتووچی لرنینگ آی لیک معاش لرینی هم کوچ بیلن اولردن آلیشگن. عینی دمده محلی رسمی لر جاجی آریوب منطقه سیده کی مکتب لردن بیری نینگ قوروقچی لریدن بیری قوراللی لر تمانیدن اولدیرلگنینی ایتگن. معارف وزیرلیگی ملازم لری مکتب لرنی قیته آچیش اوچون سعی حرکت لر یولگه قوییلگنینی معلوم قیلگنلر. پکتیا ولایت نینگ ٢٨٠ مکتبیده ١٦٣٠٠٠ اوقوچی درس کورماقده. رسمی حساب کتاب لرگه کوره بو رقمدن فقط ٤٠٠٠٠ مینگ کیشی سی قیز طلبه لردن عبارت دیر.