کرزی : سیلاولرده خارجیلیکلرنینگ اره لشولری نینگ آلدینی آلیش کیرک

Image copyright .
Image caption الدینکی سیلاو لرده ساخته کارلیک لرنی روی بیرگنی ادعا قیلنگن ایدی

افغانستان جمهور رئیسی حامد کرزی ، مملکت مستقل سیلاو کمیسیونی دن کیله سی جمهور رئیس لیک سیلاویده " خارجی لراره لشوی " آلدینی آلیش اوچون چاره تدبیر کوریش لرینی طلب ایتگن . حامد کرزی بو سوز لرنی ، سیلاو مستقل کمیسیوننی باشلیغی فضل احمد معنوی بیلن اوچره شو ده ایتیب ،خارجیلیکلرنفوذینی آلدینی آلیش اوچون سیلاولر " افغانی" بولیشی کیرک لیگنی اورغو له گن . افغانستان ده جمهور رئیس لیک سیلاو لرنی بولیب اوتیشیگه ایکی ییلدن کمراق وقت قالگن.ایکی دور جمهور رئیس صفتیده سیلنگن حامد کرزی کیله سی سیلاو لرده اشتراک ایتیش حقیگه ایگه ایمس.

جمهور رئیس لیک اداره سی تمانیدن حامد کرزی نامی آستیده نشر ایتلگن اعلامیه ده کیلیشیچه :"عدالتلی و شفاف سیلاو لرنی اوتکزلیشی اوچون بیرلشگن مللتلرتشکیلاتی و نظارتجی اداره لرنینگ یاردمی کیرک ، بیراق تورلی مملکتلر و مسول بولمه گن اداره لرنینگ سیلاو جریانیگه اره لشیشی و تاثیر قویشیی قبول قیلیب بولمیدی ".

کرزی جناب لریگه کوره "بو کبی اره لشولر ، سیلاونی عدالتلی و شفاف بیرشکلده یولگه قوییلیشنی سوال آستیگه قویب اهالینی ایرکین روشده سیلش حقینی اولردن آله دی" . افغانستان ده کی سیلاو لرده ایرم خارجی دولتلرنی اره لشیش مساله سی بوندن الدین هم بیرنیچه مراتبه ادعا ایتلگن ایدی. بیراق دولت نینگ رسمی اداره لری تمانیدن بو ادعا لرنی قوللب قوتله یاتگن دلیل و یا حجت ترقه تیلمهگن. عینی دمده افغانستان جمهور رئیس لیک سیلاوی خراجتی خلق آرا هم جمعیت دولتلرنینگ مالی یاردمی بیلن تامین لنه دی . افغانستان مستقل سیلاو کمیسیونی کیله سی جمهور رئیس لیک سیلاو لرنی یولگه قوییلیشی اوچون 80 میلیون دالر مبلغ گه احتیاج بارلیگنی معلوم قیلگن.