آغا خان بدخشانده ینگی بیر اولکه قورماقچی؟

افغانستان پارلمان اعضالریدن بیری، افغانستان شمال شرقی بیلن چیگره سی بولگن تاجکستان نینگ بدخشان ولایتی خوف سیزلیگی یمان لشیشگه، آغا خان ترقیات بنیادی قولی بارلیگی نی ادعا قیلگن.

مملکت بدخشان ملت وکیلی، خانم فوزیه کوفی نینگ ادعا سیگه کوره، آغا خان ترقیات بنیادی، افغانستان و تاجکستان آره سیده اسماعیلیه فرقه سی اوچون کیچیک مذهبی بیر اولکه ایجاد ایتیشیده اورینماقده.

اما افغانستان نینگ بدخشان ولایتی دن تشقری باشقه ولایت لرده هم کمبغللیک نی اورته دن ایلتیش، قیته قوریش و سواد اورگه تیش کبی یاردم لرنی ترقه توچی، آغای خان بنیادی ایسه مذکورعیب توغری سیده یقینده جواب قه یتریشینی ایتگن.

بدخشان ولایتی نینگ پارلمانده گی نماینده سی خانم فوزیه کوفی، ینه بیر قنچه تحلیل چی لری بیلن بیرگه تاجکستان اخیرگی خوف سیزلیگی نینگ اساسی ریشه لری قه ییرده ایکن لیگی توغریسیده مطبوعات انجمنی اوتکزیب، آغا خان بنیادی فعالیت قیله یاتگن بدخشان نینگ بعضی حدود لریده سیاسی هدف لر موجود لیگی نی ادعا قیلدی.

"بدخشانده فعالیت قیله یاتگن خیریه موسسه لر کوپراق، اوزلری منطقه لرنی تنله یدیلر. یعنی بدخشان مردمی عموماً فقیر لیکن بو لرنینگ فعالیت لر نیچه خاص تومن لرده بیر قنچه شبهه لرنی توغدیرگن. یعنی بو فعالیت لرنی کیله جگی سیاسی هدف لر گه ایریشیش بولیشی هم ممکن. شو مسئله لر باعث بو منطقه لرده مذهبی بیر مملکت ایجاد ایتیش گپی یوزه گه چیقه دی، بو مذهبی اولکه ایجاد ایتیلیشیده، افغانستان آز راق نرسه سی نی قول دن بیره دی، بونگه تاجکستان و پاکستان کوپ ضرر کوریشی ممکن. چونکی گیلگیت و چترال کبی چیگره لی منطقه لر ده کوپراق اسماعیلیه لر حیات کیچیره دیلر. "

عین زمانده سیاسی تحلیل چی غلام جیلانی زواک هم خانم کوفی نینگ گپ لریگه قوشیلیب، آغا خان بنیادی فعالیت لریده دنیا نینگ بیر قنچه کوچلی مملکت لری هم داخل ایکنی نی ادعا قیله دی.

شونده ی بیر حالده آغا خان ترقیات بنیادی نینگ سوزچی سی علی موجی ایسه بی بی سی بیلن بولگن صحبتیده بو بنیاد فعالیت لریگه قره ته یوریتیلگن ادعا لر توغری سیده یقین کیله جکده اوز موقفی نی اعلان قیلیشی نی بیلدیرگن.

شو نینگ دیگ ینه سیاسی تحلیل چی لردن اسدالله ولوالجی آغا خان بنیادی خلق ارا بیر تشکیلات صفتیده نه فقط اسماعیلیه لر اوچون فعالیت قیلیب بلکه افغانستان نینگ کوپ گینه منطقه لریده قیته قوریش و شونگه اوخش یاردم لرگه حصه قوشیب کیلیشی نی بیلدیره دی.

ولوالجی جنابلری اغا خان بنیادی بدخشان گه ینگی بیر اولکه توزه تیش مقصده ایکن دیگن خبر لرنی توغر ایمس دیب ایته دی.

ولوالجی جنابلری شونگه قوشیمچه قیلیب، افغانستان و تاجکستان ده گی اسماعیلیه لر قدیم الایام دن بیربیراولری بیلن رابطه ده بولگنی نی ایتیب، آغا خان بو رابطه لر بوزیلمه س لیگی اوچون آمو دریاسیدن نیچه کوپریک توزه تگنی نی هم معلوم قیله دی.

تاجکستان نینگ بدخشان ولایتیده خوف سیزلیک مسئله سی یمانلشگن سوز لری اورته گه چیقیشی بیلن، تاجکستان حکومتی، افغان محلی قوماندان لری مذکور فعالیت لرده قولی بارلیگی ادعالر یولگه قوییلدی. خود شو عیب لاولر گه باغلیق، افغان حکومتی هم بیر محلی پولیس قومانداننی اوشله ب آلگنی دن خبربیرگن.

باشقه تماندن، تاجکستان افغانستان بیلن بولگن چیگره سی نی موقت شکلیده باغله گن.

افغانستان ده ایشله ب چیقاریلگن مخدره ماده لر تاجکستان چیگره سیدن، روسیه و اروپا گه قره ب قاچاق ایتیلیشی، انچه تشویش لرنی هم توغدیرگن.

بدخشان هم مملکت ده گی مخدره ماده لر نی ایشله ب چیقاروچی مهم ولایت لردن حسابلنه دی.