لودین: مالیه وزیری عمرزاخیلوال وقتینچه لیک مقامیدن چیتلنتیرلیشی کیرک

Image caption افغانستان مالیه وزیرلیگی تیکشیرلیشی لازم لیگی ایتلماقده

افغانستان نینگ اداری فساد گه قرشی کوره شیش اداره سی مالیه وزیری عمر زاخیلوال نی وقتینچه لیک وظیفه سیدن چیتلنتیرلیشنی حامد کرزیدن طلب قیلگن. بی بی سی بیلن صحبت لشگن اداری فساد گه قرشی کوره شیش اداره سی باشلیغی عزیزالله لودین ،مالیه وزیرلیگیده اداری فساد کینگ ترقلگنی خصوصیده عیبلاو لرقوییلگنی باعث بو وزیرلیک اداره لری طرف سیز بیرشکلده تیکشیرلیشی کیرکلیگنی تاکیدله گن . لودین جناب لریگه کوره مالیه وزیرلیگی گه قرشی قوییلگن ادعا لرده پاره خورلیک و مقام لریدن سوءاستفاده قیلیش حاللری ترقلگنی باعث میلیون لب افغانی بو وزیرلیکدن یوقالگن. عینی دمده لودین جناب لری مالیه وزیری عمر زاخیلوال نینگ شخص بانک حسابیده قوییلگن بیر میلیون دلاردن آرتیق درآمد ن تیکشیرلیشی کیرگ لیگنی اورغوله گن . افغانستان ده کی خصوصی طلوع تلویزیون نینگ تحقیقی گزارشیگه کوره اوتکن بیش ییل دوامیده بیرمیلیون دلاردن کوپراق پول عمرزاخیلوال نینگ حسابیگه قوییلگن. لودین جناب لرینی بی بی سی گه ایتیشیچه :"اویله شیمچه بو پوللرنی قه ییردن کیلگنی ، نمه اوچون کیلگنی و قه ییرگه یوبارلگنی تیکشیرلیشی کیرک.بیز بو مساله لرنی سوره شیمیزلازم." زاخیلوال جنابلری بانک حسابیده قوییلگن پوللرنی شخصی و تجاری درآمدلری بولگنینی محلی مطبوعاتگه ایتیشگن.