سابق مدافعه و ایچکی ایشلروزیرلری وقتینچه وزیرلروظیفه سینی اوته ب توره دی

Image copyright AFP

افغانستان جمهور رئیسی حامد کرزی ، ینگی ایچکی و مدافعه وزیرلرینی نانشترلگنیچه ، پارلمان تمانیدن وظیفه لریدن چیت لنتیرلگن سابق وزیرلر وقتینچه لیک وزیرلر وظیفه سینی اوتب توره دیب ایتگن.

عینی حالده افغانستان جمهوررییسی حامدکرزی رد صلاحیت بولگن ایککی وزیرنی حکومت نینگ باشقه بیر بولمیده وظیفه لنتریشی ممکن لیگیدن خبربیرگن.

بوقرار بوگون ملی امنیت کینگاش یغینده اعلان قیلینگن.

یغینده حصصه قوشگن افغانستان جمهورریسی حامدکرزی وزیرلرنی رد صلاحیت قیلیش اولوسی جرگه نینگ بورچی بیلیب اوتگن کون آلینگن قرارگه حرمتی بارلیگینی ایتگن.

اوتگن افغانستان نینگ سابق ایچکی ایشلر وزیری بسم الله محمدی و سابق مدافعه وزیری عبدالرحیم وردک اولوسی جرگه تمانیدن رد صلاحیت بولگن ایدی.

بسم الله محمدی و عبدالرحیم وردک کنرولایتیده کی راکتی هجوملر دوام تارتیب کیله یاتگنی و مملکت ده آرتیب باره یاتگن ناتینچلیکلر باعث استیضاح بولدی. بو ایککی شخص نینگ بیرگن جواب لری ملت وکیللرینی قانیقتیرمه گنی باعث اواز بیریش جریانی یولگه قوییلدی. نتیجه ده بسم الله محمدی وعبدالرحیم وردک ملت وکیللری تمانیدن رد صلاحیت بولدیلر.

افغانستان جمهورریسی حامدکرزی، رد صلاحیت بولگن بسم الله محمدی و رحیم وردک نینگ افغانستان وتیز اوچون قیلگن آیشلرینی آلقیش لب اولرنینگ بوندن بویان هم حکومت بیلن یقین همکاربولیشیگه چقیرگن.