جنسی زوروانلیک بیلن عیبلنگن شخصگه ییللیک ییل قماق جزاسی بیریلدی

Image copyright a

جنسی زورانلیککه دچار بولگن 11 یاشلی قیز باله لردن بیری نینگ الملی صحبتیگه دقت قیله یلیک:

او محکمه قاضی لری قرشی سیده کوز یاشلرینینگ آلدینی آلالمه ی، سینگه تجاوز قیلگن شخص شوکیشی ایدی می؟ دیب سورلگنده قاضی گه شوندای جواب قیتردی.

«هه، اون کشی آره سیده هم مین بوشخص نی تانیدیم. هلیگی آدم کوندوز کونی مینی کلتکلگن ایدی، بو حالت هیچ ایسیمدن چیقمه یدی. هر ییرده اونی کورسم تانیمن . هر کیچه مینی عذاب بیررایدی. بونی قنه قه سیگه تانمس ایکنمن؟ یخشی گینه تانیمن اونی.»

بو باله گه جنسی زوروانلیک قیلگن شخص بوندن تشقری باشقه بیر سککیز یاشلی قیزه لاققه هم تجاوز قیلگنی ایتیلگن. بو ایککی واقعه دن سونگ بیرقطار مدنی جماعه تمانیدن بو شخصگه قرشی ایریم شکایتلر یولگه قوییلگن ایدی. لیکن پولیس اونی توتقینگه آلیشدن عاجز قالگن ایدی. اما بو ایککی واقعه دن قریب بیر آی اوتر اوتمس بو شخص باشقه بیرعیالگه تجاوز قیله یاتکان پیت ده اهالی تمانیدن اوشلنیب پولیس گه تاپیشریلدی.

او هرچند محکمه قرشی سیده قیلگن جرم لریدن باش تارتدی. لیکن جبرکورگن قیزباله لر همده گواه لر شهادتی اونینگ مجرم ایکنینی محکمه حضوریده اثباتله دی.

هرات ابتداییه محکمه سی نینگ ریسی قاضی غلام رسول منصور نهایت ده محکمه حکمینی اونگه قرشی بونده ی آچیقله دی:

«سین 11 و 8 یاش ده بولگن ایککی قیز باله و بیر عیال گه قرشی جنسی زورانلیککه عیبدار بولیب و عیاللرگه قرشی زوروانلیکنی منع ایتگن قانون نینگ 17- نچی ماده سینینگ 2- نچی فقره سیگه بناً 20 ، 20 ییل و شونینگ دیک بیر عیالگه قرشی جنسی زوروان لیکه حرکت قیلگنینگ اوچون اون ییل مدتیده، توپلم 50 ییل ایرکینلیکدن محروم ایتیلیب جزا گه محکوم بولدینگ!»

محکمه ریسی افغانستان جزا قانونی گه مطابق بو شخص کمیده 20 ییلنی قماقده اوتکزیش لازم ایکنینی تاکید لدی.

کیینگی پیتلرده هرات ولایتی ده عیال لرگه قرشی جنسی زوروان لیکلر کولمی کوپه یگن. اوتکن هفته جریانیده 45 یاشده بولگن بیر هرات یشاوچیسی 18 یاشده بولگن قیزیگه تجاوز قیلگنی و شو قیزنینگ شکایتی باعث پولیس تمایندن توتقینگه آلینگنی اخبارات واسطه لری آرقه لی یینگره دی.

انسان حق لریدن حمایه ایتوچی مستقل کمیسیون رسمیلری هم جنسی زوروان لیک لر اولکه ده کوپه یب باریشیدن تشویش بیلدیریب، اگر اولکه ده قانون توله تطبیق ایتیلمسه اونینگ آلدینی آلیش قیین ایکنلیگینی اورغوله دی.

هرات ولایتی انسان حق لری مستقل کمیسیون نینگ عیاللر حق- حقوقیدن حمایه ایتووچی بولیم مسولی نجیبه عزیزی انه شو موضوع گه نسبتن شونده ی فکر بیلدیردی:

«اگر محکمه لر بومجرم لرگه قرشی آغیر جزا صادر قیلیشسه، تطبیق ایتیلیشی هم درکار. اما بیز هر کونی ایشیتیب توره میز که بوندای جرمگه قول اورگن شخص محکمه تمانیدن اغیر جزالنتریلماقده. لیکن نیچه وقت دن کیین کیچیریلیب یاکی، اوز حبس مدتی نی پول بیلن ساتیب الگن و قوییب یوباریلگن. مینیمچه قانون تطبیق ایتیلمه گنی باعث بوندای جرملر سانی اولکه ده کوپیب واونینگ الدی النیشیگه بیرتقیم توسیقلر بار.»

هرچند سونگی وقتلرده هرات محکمه سی تمانیدن جنسی زوروانلیککه عیبلنیب توتقینگه آینلگن کشیلردن نیچه کیشی سی آغیر جزاگه محکوم بولگن. اما، افغانستان غربیده گی انسان حقلریدن حمایه ایتووچی مستقل کمیسیون رسمیلری جاری شمسی ییل نینگ اوتکن تورت آییده یالغیزگینه هرات ده سککیز عیال و قیزلرگه قرشی جنسی زوروانلیک بولگنینی ایتیشماقده.