افغان لرنینگ کوپگینه دعوالری رسمی سیز محکمه لرده حل بوله دی

Image copyright BBC World Service

افغانستان حکومتی عنعنه وی جرگه لر فیصله لری نینگ رسمی لشتیرماقچی بولگنی نی اعلام قیلگن.

عنعنوی جرگه لر افغانستان نینگ کوپ گینه منطقه لریده خلق آره سیده گی دعوا لرنی حل ایتیش مقصدیده قوم بویوک لری تمانیدن یولگه قوییله دی.

اما کوپ گینه مورد لرده مذکور جرگه نینگ یولگه قویگن لر حقوقی مسئله لرتوغری سیده ییترلی معلومات لری یوقلیگی ایتیله دی.

افغانستان قضایی تیزیمیده فساد موجود لیگی، مردم نینگ عنعنوی جرگه لرگه یوزکیلتیریشیده سبب بولگنی هم ایتیله دی.

یاز فصلی نینگ توشدن کیینگی کونلردن بیری دیر. بیر اوتاققه ییقیلگن قریب اوتیز ایرکک، هوا نینگ ایسیقی بیلن جدی بحث نی یولگه قویگن لر.

بو اولتیریش موضوع سی بیر عیال ایری دن طلاق طلب قیلیشی توغری سیده یولگه قوییلگن. بو جرگه ایککی بولیمده اجره تیلگن. بیر تمان عیال دن حمایت ایته دی و باشقه بولیم ایسه، ایرکک نینگ قرینداش لریدن عبارت بولیب، عیال دن ایریلیش نیتده ایمس لیگینی معلوم قیله دی.

لطیفه ناملی بو عیال مذکور جرگه ده قتنه شیش حق گه ایگه ایمس. لطیفه گه کوره، او اوتمیش لرده تورموش اورتاغی تمانیدن ایریلگن و حاضر او بیلن حیات کیچیریشنی ایسته مه یدی.

لطیفه باشقه بیر خانه ده مینگه ایتدی کی اونینگ تورموشگه چیقیشی انچه قیین چیلیک و جبر بیلن بیرگه بولگن.

شونده ی بیرحالده، مذکور جرگه نینگ یولگه قویگن جهادی گروه لرنینگ بیرده عضو بولگن و حاضر گی ولایتی کینگاش اعضالریدن همده قومی بویوک لردن سنلمیش، عبدالظاهر سالنگی بو توغریده بونده ی ایضاح له یدی:

" عیال لر جرگه ده قتنه شمه یدیلر. بیز اسلامی بیر مملکتده حیات کیچیره میز. عیاللر اوی ایچیده انچه محفوظ. جرگه ده بیز عیال لر نماینده لیگی دن سوز یوریته میز. بیزنینگ منطقه میزده دعوا لرنینگ کوپگینه سی جرگه لر یولگه قوییلیشی بیلن حل و فصل بوله دی. چونکه بو جرگه لرده پاره خوارلیک یوق و قضیه لر یقین زمانده حل و فصل بوله دی."

اما دعوا نینگ باشقه تمانی مذکور جرگه ده حضوری کورینرلی درجه ده. یعنی عیالی بیلن یمان یانداشیش گه عیب دار تانیلگن ایرکک تمانی.

بو عایله وی دعوا توغریسیده پروان ولایتی محکمه سی آلتی آیدن بیر حکم صادر قیله آلمه گنی اوچون دعوانی مذکور جرگه ده یوبارگن.

افغانستان قشلاق لریده یشه یاتگن اهالی هم دعوا لری نینگ حل و فصل قیلیش اوچون کوپراق عنعنه وی جرگه لرگه مراجعت قیله دیلر.

بو جرگه لر ایریم قیین چیلیک لرنینگ حل قیلیش مقصدیده یولگه قوییله دی. عایله وی زوراوانلیک لردن توتیب تا زمین وایککی قوم آره سیده گی اوریش لر بو جرگه لرده حل بوله دی.

افغانستان دولتی هم اهالی نینگ برچه قضیه لرینی حل و فصل قیله آلمس لیگی نی تن آله دی.

افغانستان عدلیه وزیرلیگی نینگ ارشد مصلحت چیسی محمد قاسم هاشمزی عنعنه وی جرگه لر نینگ رسمیلشتیریش توغری سیده سعی و حرکت لر جریانی بارلیگی اوستیده تاکید قیله دی.

" بیز افغانستانده رسمی سیز عدالتی میز بار، ولایت لرده و اوشه محل لرده کی محکمه لر یوق، مردم آق سققال لرگه مراجعه قیله دیلر. و جرگه لر ایسه جزا سی بولمه گن موضوع لرنی فیصله ایته دیلر. بیز بو فیصله لرنی رسمیت ده تانیمیز و بیز نینگ قانون لریمیز هم مذکور فیصله لرنی رسمیت ده تانیدی."

ایریم قضیه لرنینگ حل ایتیش اوچون رسمی سیز شکلده محکمه یا ده جرگه لر یولگه قوییلیشی افغانستان نینگ قضایی تیزیمی گه بیر تهدید صفتیده حسابله نیشی ایتیله دی.

کورینیشیچه، افغان لر بو تهدید لرگه قره مه ی، ینه ده بو عنعنوی جرگه لرگه یوز کیلتیره دیلر. افغانستان قضایی تیزیمی فساد دن پاکیزه بولمسه، خانم لطیفه کبی انسان لر کیله جگی هم خود شو عنعنوی جرگه لر بیلن باغلیق بولیب قاله دی.