رحیم وردک مدافعه وزیرلیگیدن کیتدی

Image caption رحیم وردک 2004 ییلدن بویان افغانستان مدافعه وزیری اوله راق خذمت قیلیب کیلگن

عبدالرحیم وردک ،جمهور رئیس حامد کرزی نینگ وقتینچه لیک مدافعه وزیرلیگی مقامینی اوته ب توریشی خصوصیده گی استهگینی رد ایتگن. 2004 ییلیدن حاضرگه قدر مدافعه وزیری بولیب کیلگن وردک جناب لری ،افغانستان پارلمانی تمانیدن استیضاح بولیب ایشدن آلیب تشلنگندی. صلاحیتی رد ایتلیشی آرتیدن وردک جناب لری ، جمهور رئیس حامد کرزی تمانیدن ینگی مدافعه وزیری نامزد ایتلیشگه قدر مدافعه وزیرلیگی سرپرستی اولراق تانیشتیرلگندی. افغانستان مدافعه وزیرلیگی ده اوتکزگن مطبوعات یغینیده وردک جناب لری، افغانستان ملی کینگاشی اعضالری تمانیدن ایشدن آلیب تشلنگنینی قضاوتنی " بحث قیلمسدن افغانستان خلقی و تاریخ " گه تاپشیریشنی ایتگن . " دموکراسی گه ایشانچی بولگن بیر وطنداش اوله راق ، (پارلمان) تماندن آلینگن قرارگه حرمت قوییب، پارلمان قراری اساسی و افغانستان جمهور رئیس لیک مقامی اذنی بیلن ، مدافعه وزیری اوله راق وظیفه ام نهایت تاپگنینی اعلام قیله من". دیب ایتگن عبدالرحیم وردک. افغانستان جمهور رئیسی پارلمان تماندین چیتله تیلگن وزیرلرنی ایچکی ایشلر ومدافعه وزیرلرینی سرپرست اوله راق تعین ایتیشی پارلماننی غضبی گه سبب بولگندی. ملی کینگاش اعضالری گه کوره ، اساسی قانون گه موافق ، کینگاشگه استیضاح و ایشانچ آوازی نی قولگه کیرته المهگن وزیر ، عینی وزیرلیکده سرپرست و یا وزیر اوله راق تعین ایتله آلمیدی. جمهور رئیس حامد کرزی اداره سی پارلمان تمانیدن ایکی وزیر توغری سیده آلینگن قرارگه حرمت قویشینی ایتیب ، ایشدن بوشه تیلگن وزیرلرنی وقتینچه لیک سرپرست اوله راق قالیشلری کیرکلیگنی تاکید له گن . افغانستان پارلمانی " مملکتده گی ناقرارلیک لرنینگ کوپیپ باریشی و پاکستان تمانیدن افغانستان گه راکت هجوم لرنی دوام تارتیشی " باعث افغانستان مدافعه و ایچکی ایشلروزیرلرینی شنبه کونی اوز لوازملریدن ایشانچ آوازی بیرمسلیک بیلن چیتلتگن ایدی .