افغان پلیسی 10 همکارینی اولدیردی

Image copyright BBC World Service

افغان مقاملریگه کوره، ممکت جنوب غربیده ملی پلیس عسکرلریدن بیری اوز همکارلریگه قره ته اوق آچپیب کمیده اون پلیس نی هلاک ایتگن.

پلیس نینگ ایتیشچه بو حادثه نیمروز ولایتی نینگ دلارام تومنیده یوزبیرگن. نمروز ولایتی نینگ ولایتی کینگاش اعضالریدن بیری شکیلا حکیمی، ایریم خبر واسطه لریگه اوز همکارلرینی نشانگه آلگن پلیس نینگ عصیانچیلر بیلن علاقه ده بولگنینی ایتگن.

اونگه کوره هجومچی شخص هم یوزبیرگن توقنه شوولرده هلاک بولگن. معلوماتلرگه کوره حادثه پلیس کوچلری نینگ تیکشریش پوسته لریدن بیریده روی بیرگن.

بوندن بیرکون آلدین جنوبی هلمند ولایتیده ملی پلیس عسکرلریدن بیری امریکا لیک عسکرلرگه قره ته اوق آچیب اوچ امریکا لیک عسکرنی هلاک ایتگن ایدی.

شونینگ دیک بوحادثه دن بیرکون الدین عینی ولایتده اوچ چیت ایللیک عسکر بیر افغان تمانیدن آتیب اولدریلگنی خبرقیلینگن ایدی.

سونگی پیتلرده خارجیلرنی افغان عسکرلری تمانیدن نشانگه آلینیشی کوپلب کوزه تیلماقده.

جاری ییل باشله نیشدن بیری حاضرگه چه قریب 34 چیت ایللیک عسکر بوکبی هجوملر طفیلی افغانستانده قربان بولگن.