آیساف افغانستانده گی 400 قرار گاهینی باغله گن

Image copyright BBC Kyrgyz

افغانستانده فعالیت آلیب باره یاتگن ایساف کوچلریگه کوره، اوشبو کوچلرگه تیگیشلی بولگن حربی قرارگاه لرجمله سیدن اینگ آز تورت یوزته سی باغله نیب ویاهم افغان کوچلریگه انتقال بیریلگن.

بوقرارگاه لردن یتمیش ته سی اورته و باشقه قالگنی ایسه ایساف کوچلریگه تیگیشلی بولگن کیچیک قرارگاه لردن عبارت.

بوندن آلدین افغان مقاملری خارجی کوچلرگه تیگشلی بولگن حربی قرارگاه لرنی ویران ایتیلمسلیگنی ناتو کوچلریدن سوره گندی، بیراق ایساف کوچلری بو جریان محلی مقاملربیلن صحبت آلیب باریلگنیدن سونگ افغان لر مصلحتی اساسیده یولگه قویلیب کیله یاتگنینی ایتگن. بو جریان کوپراق خوف سیزلیک مسوولیت لری افغان لرگه تاپشریلگن حدودلرده کوزه تیلگن

خارجی کوچلرنینگ افغانستاندن چیقیب کیتیش زمانی یقینله شر ایکن اوشبو کوچلریگه تیگیشلی بولگن حربی بیزه لر حاضرگی کونده جنجلی بیر موضوع گه ایلنگن.

افغان مقاملری خارجی کوچلرنی افغانستانده گی حربی قرارگاه لرینی ترک ایتگیدن سونگ تخریب ایته یاتگنی گه عیبلیدی.

اما ایساف کوچلری، هربیر حربی قرارگانی ترک ایتیش لری بیلن اوشبو قرارگاه باره سیده تولیق افغان مقاملری نینگ محصلحتی اورگه نیلیب انه شو مصلحت اساسیده قرار آلیشلرینی ایتگن.

ایساف کوچلری نینگ انجنیرلیک بولیمی امری جنرال براین واتسن بوگون کابلده اوتکزگن مطبوعات انجمنیده شوپیتگه قدر تورت یوزگه یقین حربی قرارگاه باغله نیب ویاهم افغان کوچلریگه انتقال بیریلگنینی ایتدی.

افغانستان مدافعه وزیرلیگی شو پیتگه قدر 66 حربی مرکز نینگ خارجی کوچلردن تسلیم الگنینی ایتگن.

باشقه تماندن افغانستان مدافعه وزیرلیگی ناتو تمانیدن تاپشریلگن ایریم قرارگاه لردن فایده لنمسلیککه قرارالیگنینی ایتدی.

خارجی کوچلرنینگ افغانستانده اون بییش ییریک حربی قرارگاه سی موجود بولیب، اوشبو قرارگاه لر ایسه بگرام، شیندند و مزارکبی حدودلرده جایلشگن.

ناتو کوچلریگه کوره بو قرارگاه لر کیله جگی باره سیده مدافعه وزیرلیگی بیلن صحبت لری دوام تارتیب کیلماقده.

افغانستان دولتی حربی قرارگاه لر دنیاجماعت چیلیگی نینگ یاردمی اساسیده ایجاد ایتلگنینی ایتب شوباعث افغانستان ملکیتی ایکنینی ایته دی.

افغان کوچلریگه تاپشریلگن قرارگاه لردن کوپراغی امریکا لیک لرگه تیگیشلی ایکنی ایتلگن.

افغانستانده باشقه چیت ایللیک کوچلرنی قرارگاه لری هم موجود اولر هم اوز قرارگاه لری خصوصیده قرارآلیش لری کیره ک لیگی ایتیله دی.