حکومت: طالبان تکتیک لریگه قرشی ینگی چاره لر کورینماقده

Image copyright Reuters
Image caption طالبان اوتگن اون ییل ایچیده، دولت و خارجی کوچلرگه قرشی کوره شیشیده اصول لری نی اوزگرتیریب فعالیت قیلگن.

افغانستان حکومتی طالبان افغان کوچلری نینگ صفی گه کیریب، ایچکی و تشقی کوچلرنینگ هلاک ایتیشی نی بو گروه مهم تکتیک لریدن حساب لب بونگه قرشی ینگی چاره لر کوریشی نی معلوم قیلگن. افغانستان نینگ برچه خوف سیزلیک اداره لری بیلن قوشیمچه ناتو مقاملری بیر جلسه یولگه قوییب، طالبان تکتیک لریگه قرشی ینگی چاره چیقریش اوستیده بحث آلیب بارگن. لیکن حکومت نینگ طالبانگه قرشی قنده ی چاره تدبیر کوریشی حاضر گه قدر انیقلنمه گن. " دشمن، افغانستان خوف سیزلیک کوچلری نینگ قطاریده کیریشگه سعی قیله دی. سیزلر سونگی پیت لریده نیچه ناگوار حادثه لرده گواه بولگن سیزلر. بولر "طالبان" نیچه مرته پولیس و اردو کوچلری گه قرته اوق آچگن لر. همده ناتو کوچلری نی اولدیریش اوچون هجوم قیلگن لر. شک سیز میز کی دشمن بو تکتیک لری بیلن خواه له یدیلر کی خوف سیزلیک کوچلریمیز ایچیده نفوذ قیلسه لر. " باشقه تماندن حربی تحلیل چی اسدالله ولوالجی ایسه، طالبان هر دایم هجوم قیلیش بیر حالتده بولیب، لیکن حکومت مدافعه بیر حالت نی اوزیگه توتگنی نی معلوم قیله دی. ولوالجی جنابلری حکومت مردم بیلن یقین علاقه ده بولیب، سونگی استخبارات تخنیک لریدن فایده لنیشی بیلن طالبان نینگ بو فعالیت لری نی کمه یتیریش یا توخته تیشگه قادر بولیشی ممکن بوله آلیشی نی هم معلوم قیلدی. طالبان اوتگن اون ییل ایچیده، دولت و خارجی کوچلرگه قرشی کوره شیشیده اصول لری نی اوزگرتیریب فعالیت قیلگن. یول چیکه سیده ماین اورنه تیش، خود کش لیک هجوم لر، همده مردم نی زهرلش مسئله سی، شو نینگ دیک اخیر گی پیت لرده بلند مقاملی کیشی لرنینگ ترور قیلیشی مذکور گروه نینگ مهم تکتیک لریدن حسابلنیب کیلگن. شونده ی بیر حالده افغانستان دولتی طالبان تکتیک لریگه قره ب، ینگی چاره تدبیر کوریشی نی معلوم قیلسه ده بیراق ینه هم طالبان نینگ مذکور تکتیک لریدن بیر نیچه قدم آرقه گه قالگنی ایتیله دی.