BBC navigation

لندن المپیکیده قتنه شگن افغان سپورتچی لری بوگون قه یتیب کیلدیلر

Сўнгги янгиланиш 14 август 2012 - 11:15 GMT

ایرته لب ساعت آلتی یقین لریده کابل هوا قونالغه سی نینگ محیطیده مینگلب کابللیک لر بیلن قوشیمچه بیر قنچه دولت ملازم لری، لندنده گی المپیک بیلله شولریده قتنه شگن سپورت چی لرنی کوتیب آلدیلر.

اولتیرگن لر.

سپورتچی لرکیلیشی بیلن خبرنگارلر بیلن صحبت قیلدیلر. افغانستان اوچون برنز مدالی نی قازان گن تکواندو کار روح الله نیک پا مملکت بیراغی نی دنیا گه کورسه تگنی دن انچه خرسند لیک بیلدیردی.

" سپورتچی لریمیز توله قول بیلن قیتگنی اوچون خرسند من. ینه بیر بار المپیک اویین لریده مدال قولگه کیریتیک. هر بیر رشته ده اشتراک ایتگن سپورتچی لریمیز یخشی سعی قیلدیلر. همه میز مدال قولگه کیریتیش اوچون کیتگن ایدیک. خدا گه شکر المپیک دن بیر مدال آلیب کیله آلدیک و اولکه میز بیراغی نی دنیا گه کورسه تیب تانیشتیردیک. امیدیم بو که 2016 نچی ییلده یولگه قوییله یاتگن کیله سی الپیک اویین لریده، سپورتچی لریمیز سانی بوندن کوره کوپه ییب، مدال هم کوپراق آلیش گه امید بیلدیره من."

یوزلب دولتی و شخصی موتر اوزون قطار بولیب، لندن دن کیلگن افغانستان سپورتچی لری نینگ یول لاوچیلک قیلیب ملی المپیک گه قره ب ایلتیلر.

کابل سرک لری نینگ چیکه سیده همده تورت یول لرده سپورت چی لررسم لری بیلن شعار لر نصب ایتیلگن.

افغانستان المپیک کمیته سیگه هم علیحده بیر مراسم یولگه قوییلدی. بو ییرده دولت ملازم لری سوزگه چیقیب افغانستان سپورتچی لری نینگ بو یوتوق لرینی آلقیش له دیلر.

ملی المپیک کمیته باشلغی ظاهر اغبر:

" سپورت چی لریمیز 204 مملکت قطاریده، 81 اورین نی افغانستان اسمی گه قید ایتدیلر. بو بویوک بیر افتخار نیکپاه جنابلریگه، حرمتلی عایله سی همده افغانستان المپیکیگه تیگیشلی دیر."

لندن المپیکیده افغانستان چاپیش بیلله شوییده افغان قیزی تهمینه کوهستانی هم اشتراک ایتگن ایدی. خود شو مسئله اوچون بیر قنچه قیز سپورت چی و سپورت سیور عیال لر هم بوگون کی مراسم ده اشتراک ایتدیلر.

هرچند تهمینه بو بیلله شوده اخیر گه قالگن ایدی اما شونده ی بولسه هم او، افغانستان آتی دن بیر قیز اشتراک ایتیشی، اوزی بیر افتخار دیب معلوم قیله دی.

" تمرین لریمنی کیله سی المپیک گه یخشی یوتوق لرگه ایریشیش اوچون دوام بیره من. شو نینگ دیک باشقه قیزلر گه پیامیم بو کی کیله سی بیلله شو لرده اینیقسه المپیک اوچون یخشی ریجه لر قوریب تمرین قیلسین لر. تا بیز بیر عیال دن کوپراق افغانستان نماینده سی بولیب قتنه شسک."

افغانستان سپورتچی لری اوتگن ایککی المپیک بیلله شولریده برونز مدالی نی قولگه کیلتیرگن. افغانستان لیک لر هم خود شو مدال نی کتته یوتوق دیب بهاله گن لر.

عین زمانده، بو سپورتچیلر مردم تمانیدن اجتماعی ترماغ لرگه آلقیش لنیشی افغانستان خلقی آره سیده بیردملیک کیلتیریشی ده انچه تاثیر قویگن دیب سوزلر هم موجود.

هرچند افغانستان دولتی سپورت بولیمی ده اونچه لیک سرمایه یاتقیزمه گنی نی تن آله دی عین دمده بوندن کیین سپورت چیلر کوپراق یوتوق لرگه ایریشیش لری اوچون زمین یره تیشی نی سوز بیرماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.