BBC navigation

نمیروز وقندوزده یوزبیرگن انتحاری هجوملرده 50 گه یقین انسان هلاک بولدی

Сўнгги янгиланиш 15 август 2012 - 05:52 GMT

نمیروز ولایت نینک مرکزی زرنج شهریده یوزبیرگن کیتمه کیت انتحاری هجوملرده 35 کیشی و قندوزده یوزبیرگن پارتلشده 12 کیشی قربان بولگن. همده ایککی ولایتده یوزبیرگن هجوملرده کمیده 130 کیشی یره لنگن.

نیمروز ولایتی نینگ پلیس باشلیغی موسی رسولی بی بی سی بیلن بولگن صحبتیده اوتگن کون توشدن سونگ ساعت اوچ اطرافیده التی انتحارچی زرنج شهریده هجوم قیلگنینی ایتدی.

رسولی جنابلرینی ایتیشیچه هجومچیلردن بیری نمیروز کسلخانه سی یقنیده اوزینی پارتله تگن، ایککینچی انتحارچی ملی تلوزیزیون ایشخانه سی واوچینچی انتحارچی شهرده گی عمومی تورت یوللردن بیریده اوزینی پارتله تگن.

محلی رسمیلر کسلخانه یقنیده یوزبیرگن پارتلش ده کوپ انسان هلاک بولگنینی ایتگنلر.

پلیس مقاملریگه کوره شهرده کیرگن ینه اوچ عصیانچی پلیس کوچلری تمانیدن آتیب اولدیریلگن.

شونینگ دیک مسوول کیشیلر قربان بولگن لردن تورته سی و یره لنگن لردن یتتی ته سی پلیس ایکنینی ایتگن.

بو حادثه دن نیچه ساعت اوتگنیدن سونگ شمالی شرقی قندوز ولایت نینگ دشت ارچی تومنیده هم پارتلش یوزبیب کمیده 12 کیشیدن جان آلگن ، همده 30 نفر یره لنگن.

ایران مملکتی بیلن چیگره داش بولگن نیمروزولایتی افغانستا نینگ ناقرار ولایت لریدن بیری.

کسلخانه لرنینگ یقیندن کوزه تگن بی بی سی خبرنگاری کریم ناله یره لنگن لرنینگ دوالش اوچون کسلخانه لر یخشی امکانیت گه ایگه ایمس لیگینی ایتگن، عینی حالده ناله جنابلری یره لنگن لرنینگ ایریم لرینی وضعیتی آغیر ایکنین ایتگن.

نیمروز ولایتی نینگ پلیس باشلیغی هم کسلخانه لر دارو وقان کمچیلیک بیلن یوزمه یوز بولگنینی ایتیب بوخصوصده یاردم طلب قیلگن.

حاضرگه قدر هم هیچ بیر گروه یاشخص حادثه مسوولیتینی اوز بوینیگه آلمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.