BBC navigation

فاریاب ده کیچیک بیر قیز زورلنگن

Сўнгги янгиланиш 18 август 2012 - 11:17 GMT

فاریاب نینگ محلی ملازم لری مذکور ولایت قیصار تومنیده بیر قیز جنسی زورلنگنی خبر قیلگن لر.

محلی ملازم لرنینگ معلوم قیلیشیچه، بو حادثه قریب ایککی هفته ایلگری قیصار نینگ غوری رهین ناملی منطقه سیده یوز بیرگن.

شونده ی بیرحالده زورلنگن قیز عایله سی قیصارده کی طالبان گه شکایت قیلیب، عیب لنگن شخص طالبان قولیگه توشگنی هم ایتیلماقده.

قیصار حاکمی صدیق خان نینگ معلوم قیلیشیچه، زورلنگن قیزنینگ آته پولیسگه شکایت درج قیلگنی دن کیین، خوف سیزلیک کوچلرو قاره لاوچیلیک اداره سی مذکور عیب لنگن شخص نینگ اویی نی تیکشیریب آلگن لر لیکن متهم قاچیب کیتگن.

عین زمانده عیب لنگن شخص دن آرقه داش لیک بیلدیره یاتگن منطقه اهالی سی هم خوف سیزلیک کوچلری بیلن اوریشگن لیگی ایتیلگن.

صدیق خان نینگ معلوم قیلیشیچه، حاضر چه زورلنگن قیز نینگ ساغلیق وضعیتی یخشی راق.

باشقه تماندن فاریاب بشر حق لری نینگ سقله کمیسیون باشلیغی سید حفیظ الله فطرت ، مذکور قضیه عاملی جزالنتریلیشی اوچون اولر حکومت نینگ ایریم اداره لریگه مکتوب یازگنی نی معلوم قیله دی.

فطرت جنابلریگه کوره، بو قیز دشمن دارچیلیک قضیه لری نتیجه سیده زورلنگن.

قیزلرنینگ زورلنیشی افغانستان ده ینگی بیر گپ ایمس، بو مسئله اوتگن نیچه ییل دن بیری مملکت ایریم حدود لریده یوز بیریب کیلماقده.

هرچند افغانستان حکومتی زورلنگن شخص لرنینگ محاکمه قیلیشی اوچون جدی سعی و حرکت لر نی یولگه قویگن لیگی دن سوز یوریته دی لیکن شونده ی بولسه هم بیر قنچه مورد لرده، قیزلرنی زورلنگن شخص لر یوقاری مرتبه لی دولت خادم لری نینگ قرینداش لری بولگنی اوچون هیچ قچان محکمه گه تارتیلمه گنی هم ایتیله دی

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.