BBC navigation

کرزی: طالبان خلق دن عذر سوره سین

Сўнгги янгиланиш 22 август 2012 - 08:44 GMT

افغانستان جمهور رییسی حامد کرزی رمضان بیره می مناسبتی بیلن طالبان گروهی عصیانچیلیک فعالیت لریده قوللری بولمه گنده خلقدن عذر سوره ش لری نی طلب قیلگن.
کرزی نینگ معلوم قیلیشیچه، افغانستانده گی تورلی خیل هجوم لر طالبان آتی بیلن بجریلماقده.
شونده ی بیر حالده طالبان گروهی ملا عمر سونگی بیاناتیده، مذکور گروه اعضالری هجوم لری، دولت و خارجی کوچلر قرشی سیده ه دوام تارتیشی نی ایسته ب لیکن، عادی اهالیگه ضرر ییتکیزیلمس لیگی نی طلب قیلگن.
جمهور رییس حامد کرزی، رمضان بیره می نی برچه افغان لرگه تبریکلب، ینه بیر مرته طالبان گروهی عصیان چیلیک فعالیت لریدن قول تارتیش لرینی طلب قیلدی.
" ینه بیر مرته طالب لرنینگ کته کان لریگه و طالب لرگه ایته من کی، افغانستان خلقی گه بولگن ظلم سیزلرنینگ آتلریزگه تمام بولگن. اگر سیزلر بو ظلم نی قیلگن سیزلر هیچ نرسه ایته دیگنیمیز یوق. افغانستان ملتی بونی حسابینی بیره دی بیر کون. اگر سیز لر ایمس سیز لر و سیزلرنینگ اسم لریزگه تمام بوله دی، بیر مسلمان و افغان صفتیده، آواز لرینگیزنی چیقریب بو ظلم نی بیز قیلمه گن میز دیب ایتینگ لر. ایتینگ لر کی خداوند و مخلوقی بیلن دشمن لیک قیلمه گن میز. و افغانستان خلقی دن عذر سوره ب حقیقت نی بیان قیلینگ لر"
کرزی نینگ طالبان گروهی دن مذکور ایسته گی نیچه ییل دن بیری دوام تارتماقده لیکن هیچ قچان طالبان گروهی مذکور طلب لرگه مثبت جواب قه یترمه گن.
طالبان رهبری ملا عمر رمضان بیره می مناسبتی بیلن ترقه تگن بیاناتیده، مذکور گروه دولت و خارجی کوچلر قرشیسیده یولگه قویگن اوریش لریده یوتوق گه ایریشگنی نی معلوم قیلیب، هجوم لری مذکور کوچلر قرشی سیده دوام تارتیشی اوستیده تاکید قیلگن.
لیکن جمهور رییس کرزی رمضان آییده طالبان آتی بیلن بجریلگن تورلی خودکش لیک هجوم لر و اورنه تیلگن ماینلر پارتله یشیده یالغیز گینه خلق ضرر کورگنلیگی نی معلوم قیلدی.
رسمی حسابات گه کوره، جاری ییلده یولگه قوییلگن عصیانکارلیک هجوم لر اوتگن ییل گه قرگنده کوپراق ایکن لیگی ایتیلگن.
کرزی جنابلری، رمضان آییده، نیمروز، خوست، ننگرهار، و قندوز کبی ولایت لرده طالبان تمانیدن بجریلگن عصیان چیلیک هجوم لرنتیجه سیده خلق ضرر کورگنینی یوزه گه چیقردی.
کرزی جنابلریگه کوره، مذکور عصیانچیلیک هجوم لر یالغیز گینه افغانستان ایچیده بجریلمه گن بلکیم، کوپ گینه اسلامی مملکت لر هم رمضان آییده خود شو کبی هجوم لر بیلن یوزمه یوز بولگن لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.