BBC navigation

قندهار ده طالبان سرک لرنی بوزیب ماین اورنتماقده

Сўнгги янгиланиш 22 август 2012 - 11:19 GMT

قندهار رسمیلری، مذکور ولایت پنجوایی تومنیده طالبان گروهی اهالی نی اسفالت بولگن سرک لرنی بوزیب ماین اورنه تیش گه مجبور قیلگن.
قندهار ولایتی نینگ سوزچیسی جاوید فیصل، خوف سیزلیک کوچلری بو مسئله دن آگاه بولگنی بیلن مذکور منطقه نینگ محاصره قیلیب، یقین زمانده اورنه تیلگن ماین لرنی خنثی قیلیش لرینی ایتماقده.
عین دمده قندهار ولایتی پنجوایی تومنی نینگ حاکمی حاجی فیصل محمد، اهالی مذکور تومنده طالبان نینگ اوچ قوماندانی تمانیدن سرک لرنی بوزیشی و ماین اورنه تیشگه مجبورلنتیریلگن لیگینی ایته دی.
قندهار نینگ پنجوایی تومنیده گی سرک لرنینگ بوزیشگه طالبان گروهی نینگ حرکت قیلگنی قندهار اهالیسی نی هم خواطرلنتیرگن.
قندهار لیک لر طالبان نینگ مذکور حرکتی نینگ آلدینی آله آلمس لیگی اوچون جدی تنقید له ماقده لر.
"حکومت بونگه جدی کوز قره تسین، بو مردم گه تاوان بولدی. بونگه انچه پول کیتگن هرکیم بونده ی قیلگن ویران کارلیک قیلگن. بو نی حکومت سقله آلمسه حکومت نینگ کم زورلیگی نی کورسه ته دی، حکومت نینگ ناکاملیگی نی کورسه ته دی. بو یوللرنینگ خوف سیزلیگی نی آلیش حکومت مسوولیتی، مردم و حکومت ده گی لر شو یوللر دن اوتیب قیته دیلر کو. بو کی اولوسوالیک نینگ مرکزیده بونده ی بیر بوزمه کارلیک ایش بوله دی حکومت دن سوره ش کیره ک قنده ی بولدی دیب، باشقه لردن سوره ش فایده سی یوق".
قندهار ولایتی نینگ پنجوایی تومنی حاکمی حاجی فیصل محمد هم مذکور تومنده طالبان گروهی نینگ اوچ قوماندانی بو حرکت نی ریجه لب عملی قیلگنلیگی نی ایته دی.
" طالب لر بو ساحه نینگ درخت لری کوپ بولگنی دن فایده لب بو ایشنی بجرگن لر. بو منطقه ده طالبان قوماندان لریدن، ناله، بخت محمد و ایوب ناملی شخص لر تمانیدن عملگه آشیریلگن. بو قوماندان لر کلنگان منطقه سی ده گی اهالی نی هم سرک نی بوزیش گه مجبور قیلگن لر. بو لر عموما، آلگنده سرک نینگ نیچه قسمتی دن تورت یا بیش مترنی بوزیب بو ایشنی قیلگن لر. بو مسئله رمضان بیره می آقشامی بجریلگن ایکن."
قندهار محلی ملازم لری طالبان سرک نی بوزیب ماین اورنه تیشی نی جدی بیر مسئله دیدیلر. اما قندهار حاکمی نینگ سوز چیسی جاوید فیصل ایسه، بو مسئله نینگ آلدینی آلیش اوچون اهالی محلی ملازم لرینی اوشه زمانده جریانگه قویمه گنیدن تنقید قیلدی.
فیصل جنابلری حاضر پنجوایی تومنیده بوزیلگن سرک لر منطقه سی خوف سیزلیک کوچلر محاصره سیگه ایکن لیگی نی معلوم قیلیب، ساحه پاکیزه لنگنی دن کیین، امنیتی پوسته قوریشی نی هم ایته دی.
قندهار ولایتی، طالبان گروهی نینگ افغانستانده گی اساسی و مهم نقطه لریدن حسابلنه دی.
اوتگن اون ییل دن بیری افغان و خارجی کوچلر، بو ولایت نینگ ایریم حدود لریده اوزون مدتلی کینگ حربی عملیات یولگه قویگن لر لیکن شونده ی بولسه هم بو ولایت ده طالبان گروهی نینگ کوزگه کورینرلی درجه ده نفوذی بار.
شو نینگ دیک، بو ولایت نینگ ایریم بولیم لرده قیته قوریش ایشلری هم انچه کوپ عملگه آشیریلگنلیگی ایتیلسه ده بیراق، ینه هم مذکور ولایت مملکت نینگ اینگ ناقرار ولایت لریدن حسابله نیب کیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.