BBC navigation

مملکت شمالی یوللریده گی سرک لرنینگ یریمی بوزیلگن

Сўнгги янгиланиш 25 август 2012 - 12:26 GMT

افغانستان حکومتی اوتگن نیچه ییل ایچیده 8 ملیارد دالردن آرتیق نی ممکلت شاه یوللری نینگ توزه تیش اوچون سرمایه یاتقیزگن لیکن حاضر مذکور سرک لرنینگ قریب یریمی اورته دن کیتگن.

جمهور رییس کرزی قدرتنی آلگنیدن کیین، شاه یوللرنینگ توزه تیشی دن خبر بیرگن ایدی. اونینگ خود شو سوزلری واقعیت گه ایریشیب، مملکت کوپ قسمی نینگ شاه یوللری اسفالت بولدی.

اما عامه منفعت لر وزیری تمانیدن ترقه تیلگن حساباتگه کوره، حاضرگی کونده مملکت ده توزه لگن ینگی سرک لری نینگ قیته قوریشی اوچون قریب تورت ملیارد دالر گه احتیاج بار.

کابل مزار شریف یوللریده گی قریب 500 کیلومترلیک اسفالت بولگن سرک لر اورته دن کیتگن. بوندن آلدین کابل مزار یولی بیش دن آلتی ساعت گه قدر بولسه ایدی اما ایندی بو رقم ایککی برابر دن کوره هم آشگن.

رسمیلر مذکور سرک نینگ اورته دن کیتیشیگه آغیر موتر لرنینگ اوتیب قه تیشی سبب بولگن لیگی نی ایته دیلر.

کونده لیک مینگ لب یوک تاشوچی و مسافر تاشوچی موتر کابل مزار شاه یولیدن اوتیب قیته دی. بو شاه یول کابل نینگ اورته آسیا مملکت لری بیلن باغلتگن، لیکن حاضر بیر اریغ دیک بولیب قالگن.

اما شونچه باریش کیلیش گه قرگنده، بو یول اوچ ییل ایلگری اسفالت بولگن ایدی اما ایندی بوزیلیب قالگن.

مزار کابل دن باریب کیله یاتگن لر مذکور یوللر انچه بوزیلگنی دن شکایت قیله دیلر.

" بو یولگه قیینچیلیک انچه کوپ، قه ییرنی ایته ی همه ییری بوزیلیب قالگن. ایتیب بولمه یدی قه ییری یخشی قه ییری یمان، بیز ایرته لب تانگده حرکت قیلگن میز سالنگه چه حاضر ساعت بیش نمازدیگر بولگن. انه شونده آهسته سیکن کیلاتدیک".

شونده ی بیرحالده اساسی سوال بوکی اسفالت بولگن بیر سرک نینگ عمری قنچه بولیشی کیره ک؟ اقتصاد دان سید مسعود بو توغری ده بونده ی دیدی:

" شاه یوللر تمل پروژه لر قطاریدن حسابلنیب، عمری هم 12 ییل دن کیینی حسابلنه دی. بو پروژه لر اینگ آز 12 ییل ایش بیریشی کیره ک. اون ایککی ییل دن کیین میده میده قیته قوریشگه احتیاج تاپیله دی. رواجلنگن مملکت لرده مثال اوله راق، جرمنی مملکتیده بو کبی سرک لرنینگ 50 دن تا یوز ییل گه قدر ایش بیریشی اوستیده تاکید قیله دیلر. انجنیرلردن سوره گنیمده، فرانکفورت دن بن گه قدر کیته یاتگن سرک، یوز ییل گه چه ایش بیره دی دیب جواب بیرگن لر".

مسعود جنابلری شونگه قوشیمچه قیلیب، افغانستان دولتی شاه یوللری نینگ توزه تیش پروژه لرینی انیق قیلیشی کیره ک ایکنلیگی، همده بو سرک لر قنچه دوام تارتیشی نی معلوم قیلیشینی ضرور دیر دیب ایتدی.

مملکت شمالیده گی شاه یوللرنینگ بیر کیلومتری قریب 700 مینگ دالر هزینه کوتارگن. بو نرخ دنیاده گی نرخ دن کوره آز ایمس. لیکن مذکور سرک لر توزه تیش ایشی تورلی شرکت لرگه بیریلگنی سببلی، بیر قنچه شرکت لر پروژه نینگ یریم حالتده قوییب یوبارگن لر. عین زمانده دولت مذکور شرکت لرنینگ اوشله ب یا ده محکمه گه تارتیشگه هم قادر بولمه گن.

بیر قنچه تنقیدچیلرگه کوره، مذکور پول لرنینگ کوپ قسمی حیف ومیل بولیب کیتگن.

شونده ی بیرحالده، مملکت عامه منفعت لر ینگی وزیری آلتی آی دن بیری ایشگه باشله گن. نجیب الله اوژن کابل شمال شاه یوللری نینگ قیته دن توزه تیش ایشی نی باشله گنیدن سوز یوریته دی.

"افغانستان دولتی بو سرک لرنینگ توزه تیشگه تعهد بیرگن. بو معناده ایمس کی بیز بونی توزتمه یمیز. بیز جاری ییلده ترمیم ایشلرنی باشله گنیمیزده هیچ قنده ی تضمین یوق، چونکه بو ترمیم ایشلری وقتینچه لیک بولیب مسافر لر و سالنگ شاه یولی نینگ یمان وضعیت دن قوتقریش اوچون عملگه آشیریلماقده".

شو نینگ دیک اوژن جنابلری نینگ معلوم قیلیشیچه، حاضر گی وضعیتده عامه منفعت لر وزیرلیگیگه 30 فایز تخصصی بولگن ایشلاوچی و 70 فایز هم اداری ایشلاوچی فعالیت قیلماقده.

افغانستان شاه یوللری قیینچیلیگی نینگ حل قیلیش اوچون انچه هزینه کیره ک و کوچلی اراده کیره ک. خلق ارا هم جعیت مملکت لری بوگون گه چه 8 ملیارد و 300 ملیون دالر مذکور پروژه لر نینگ عملگه آشیریش اوچون صرفله گن. اما بو توغریده اینگ اساسی خواطر بو کی مذکور یاردم بیروچی مملکت لر قچان گه چه بو یوره ک بیلن همکارلیک قیله دیلر؟

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.