BBC navigation

افغانستانده قرآننی یاققن امریکالیک عسکری جزالنه دی

Сўнгги янгиланиш 28 август 2012 - 09:59 GMT


افغانستان نینگ بگرام قرارگاهیده قرآن نسخه لری و دینی کتابلرنی یاقگن آلتی امریکالیک حربی لریگه، شونینگ دیک، افغان طالب لری نینگ جسدینی تحقیرله گن اوچ عسکرلرگه هم اخلاق توزه تیش چاره لری قوللنیله دی.
امریکا قوشمه ایالت لری قوراللی کوچلری حساباتی گه کوره، حربی لرنینگ حرکتیده اسلامگه نسبتن حرمت سیزلیک بولگنی باعث، اولرگه نسبتن جنایی جزا بیریلمه یدی.
شونینگ دیک، افغان طالب لرنینگ جسدلرینی تحقیرله گن امریکالیک عسکرلرگه هم اخلاقی چاره لر کورینه دی.
انترنتده امریکا عسکری نیگ طالبلر جسدلری اوستیده پیش آب قیله یاتگن لیک لری توشیریلگن ویدیو پیدا بولگچ، امریکا و افغانستان رسمیلری عسکرلرنینگ بو عمللرینی قاره لب چیقگن ایدیلر.
امریکا دینگیز کوچلری رهبریتی تیکشیرو باشلنگنینی معلوم قیلگنی ایدیلر.
طالب لر هم اوشبو عملنی قاره لب، اما سیاسی جریان لرگه تاثیر کورستمسلیگینی بیلدیرگنلر.
ایتیلیشیچه، بو ایشنی تیکشیریش و سوره شتیرو ایشلری نهایه سیگه ییتگن و اونگه قول اورگن عسکرلرگه هم خیفسن و معاش دن قیرقیش کبی مأموری جزالر قوللنیله دی.
فیبروری آییده قرآن نسخه لری نینگ یاقیلیشی عامه وی ترتیب سیزلیکلرگه و ناتو نینگ افغانستانده گی پایگاهیگه هجوم قیلینیشیگه سبب بولگن ادی.
افغانستانده گی امریکا نظارتی آستیده بولگن بگرام پایگاهی قرآن کریم نینگ یاقیلیشی بوتون مملکت بویلب بیر نیچه کونلیک زوراوان نمایشلرگه و ناتو نینگ افغانستانده گی پایگاهی گه هجوم قیلینیشگه سبب بولگن ایدی.
بونینگ عاقبتیده اوتیزدن آرتیق کیشی، جمله دن ایککی امریکا عسکری هم قربان بولگن و اونلب کیشیلرگه تن جراحتی ییتگن ایدی.
افغانستان حکومتی اسوشیتید پرس آژانسیگه چیقریلگن حکم گه نسبتن مناسبت نی سه شنبه کونی بیلدیریشنی معلوم قیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.