BBC navigation

جاسوسلیک خذمتی رییسی ایشدن بوشه تیلدی

Сўнгги янгиланиш 29 август 2012 - 08:55 GMT

افغانستان جمهور رییسی مملکت ملی جاسوسلیک خذمتی رییسی نینگ ایشی دن بیکار ایتگن.

حاضر گه قدر رحمت الله نبیل نینگ ایشدن بوشه تیلیشی سببی انیقلنمه گن اما جمهور لیک ریاستی سرایی ده گی بیر منبع نینگ بی بی سی بیرگن معلومات لریگه مذکور خبرنی تایید قیلگن.

مذکور منبع گه کوره، چهار شنبه کونی کرزی جنابلری ایچکی ایشلر، مدافعه و ملی خوف سیزلیک اداره سی نینگ باشلیغ لرینی پارلمانگه تانیشتیرماقچی.

خوف سیزلیک اداره سی نینگ سابق رییس امرالله صالح مذکور مقام دن استعفا گه چیقیشی بیلن حامدکرزی رحمت الله نبیل نینگ مذکور اداره ده وقتینچه لیک مسوول قیلیب کیین پارلمان گه رأی آلیش اوچون تانیتیرگن ایدی.

نبیل جنابلری افغانستان جاسوسلیک خذمتی نینگ رییسی بولگندن آلدین، جمهور لیک ریاستی سرایی خوف سیزلیک قوماندانی صفتیده ایشلریدی.

شو نینگ دیک مملکت ایچکی ایشلر و مدافعه وزیر لری جاری ییل اسد آیی نینگ 13 نچی سیده پاکستان راکتی هجوم لری نینگ آلدینی آله آلمس لیک لری همده مملکت ده نا تینچ لیک لر کوپه یگنی سببلی، اولولسی جرگه ده استیضاح بولیب کیینچه لیک رد صلاحیت بولدیلر.

ملت وکیل لر مذکور وزیرلرنینگ جواب لری قناعت لنیرمه گن بهانه سی بیلن ایش لریدن رد صلاحیت قیلدیلر.

اوتگن نیچه ییل ایچیده مملکت ده خوف سیزلیک وضعیتی اوزگریش لر گه گواه بولیشی بیلن ملت وکیل لر ایچکی ایشلر مدافعه و ملی خوف سیزلیک اداره سی نینگ باشلیغ لرینی جلسه گه تیله تیب، اولر دن جواب ایسته گن. اما جاریی ییل ده ایچکی ایشلر و مدافعه وزیرلری نینگ رد صلاحیت بولیش لری پارلمان نینگ بیرینچی بویوک اقدام لری دن حساب لنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.