BBC navigation

رنج کورگن آنه نینگ یوره ک دردلری

Сўнгги янгиланиш 1 сентябр 2012 - 12:42 GMT

ایرته لبکی پیت ساعت سککیزلرده خانم حکیمه بیلن اوچره شیش مقصدیده چیقدیم. دروازه سیگه ییتیب بارگچ، اومینی آچیق کونگیل بیلن کوتیب آلدی.

فرزندی نینگ اونینگ پند- نصیحتلریگه قولاق سالمه ی یامان آدملربیلن قاتیلگنی واقعه سینی ایتیشگه تیار ایدی. فقط، مین اوچون یگانه معما بو- خانم حکیمه نینگ رسمگه توشیشنی ایستمه گنی ایدی. لیکن، اونینگ یوره گیدن چیقه یاتگن آه- ناله لر، اجینلر توشگن بوغدای رنگ یوزیگه آقه یاتگن کوزیاشلری اونینگ رنجدیده 70- 75 یاشلریده گی بیر عیال ایکنینی یققال کورسه تیب تورردی.

قونی- قوشنیلر آره سیده «تورکمن مامه» آتی بیلن تنیلگن خانم حکیمه اوزاق ییللردن بیری مزارشریف شهر مرکزی بلخ ولایتیده حیات کیچیریب کیله یاتگن بخارا اوزبیکلریدن ایکنلیگینی ایترایکن، یاشلرنینگ مخدره ماده لرگه چلینیشیگه دولت خادملرینینگ فعالیتسیزلیگی باعث بولماقده دیب ایتدی.

اونینگ کیچیک فرزندی عایله قورگن امان اللّه، دییرلی آلتی ییلدن بیری مخدره ماده لرگه چلینیب قالگن. خانم حکیمه قنده ی قیلمه سین اما بری- بیر اوغلینی اوشبو چیرکنج یولدن قیتره آلمسلیگینی اورغوله یدی. یوره گیگه آغیر درد بیره یاتگن بو الم، اوغلی نینگ گویاکی الفتلری بوله توریب اونی یولدن چیقرگن دوستلرینینگ آتینی تیله آلمسدن هم تورالمه دی او...

خانم حکیمه نینگ اوغلی مخدره ماده ساتیب آلیش امیدیده هلی جوده کیچیک یاشده بولگن باله لرینی تیلنچیلیککه چیقریب، بیغبار باله لر واسطه سی بیلن اونچه- مونچه درآمد قولگه کیلتیره دی ده- او پول بیلن هم فقط گینه چرس ساتیب آله دی، خلاص.

خانم حکیمه اوغلینینگ مخدره ماده لردن قوتیلیشی اوچون اونی نیچه مرته مخصوص کسلخانه لرگه اوزلوکسیز دوالنتیریش مقصدیده یاتقیزگن. لیکن، همان اونینگ خسته لیگیگه برهم بیره آلمه گنینی ایتدی.

باله سینی بغریگه باسیب کتته قیلگن آنهء زار، فرزندینی جاندن آرتیق سیویشی تعین گپ. بیراق بو سیوگی اونی چاره سیزلیککه باغلب قویگن کورینه دی. اطرافده گیلری اوچون تهلیکه لی اورنک بولیشی ممکن بولگن امان اللّه ایندی، آنه سینینگ چاره سیزلیگیگه ایلنگن. باردی اوغلی بی تعیینلیگیدن قیتمسدیک بولسه، آنه سی اوچون اونینگ مذکور یولدن قیتره دیگن یگانه قوتیلیش یولی اونی یکسان ایتیش دیر.

" من ایندی مونی یا باشیگه بیر تیشه اوریب اولدیره من یاکی اوخله گن وقتیده ایاقلری نینگ اوستیگه قییناق سوو توکیب اولدیره من، کیین منی هم، باشقه عایله اعضالریمنی هم هیچ کیم مسول توتمه سین."

حکیمه خانم نینگ اوغلی اوزی هم، بنگوار ماده لرگه چلینیب قالگنیدن بغایت قیغوده. اما نیمه قیلمه سین، ینه- ده، بو حالتدن نجات تاپالمه یمی عذاب چیکماقده. حیاتی بو حالتگه کیریب قالگنیدن افسوسده.

دیمک، بنگوار ماده لرگه چلینگن هربیر انسان نینگ حیاتی شونده ی دیر احتمال، بوندن هم یامانراق بولیشی ممکن. ایندی عینن کابلده گی قماقخانه لردن بیریده محبوسلردن 50 فایزی گیاه وند ماده لرگه چلینگنلیگی ایتیلگن. محبوسلرنینگ مخدره ماده لرگه یقینلشتیریب، اولرنی بو یولده یاردم قیلووچی کیشیلر هم محبوس قوریقچیلری ایکن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.