BBC navigation

افغانستانده زراعت و چارواچیلیک اوچون ینگی پروژه لر ایشگه باشله دی

Сўнгги янгиланиш 1 сентябр 2012 - 12:47 GMT

افغانستانده زراعت نینگ اوسیشی اوچون، زراعت وزیرلیگی ینگی پروژه آچیب، اونیینگ ایشیگه باشله گن.

بیش ییلل اوچون مولجلنگن مذکور پروژه ایشلریگه افغانستان دولت بودجه سیدن 40 میلیون دالر و اونگه قرشی 65 میلیون دالر ایسه، امریکا تامانیدن صرفلنیشی تخمین قیلینماقده.

امریکانینگ افغانستان زراعت و چارواچیلیک وزیرلیگینی فنی بولیمده یاردم قیلیشی هم کوتیلماقده.

اوشبو پروژه ایشلریگه بنا، افغانستان نینگ تورلی منطقه لریده ییتی تحقیق مرکزی هم آچیلیشی ممکن.

بونینگ یانیده افغانستان نینگ 50 ولسواللیگیده زراعت و چارواچیلیکنی رواجلنتیریش اوچون ینگی و زمانوی شیوه لرهم یولگه قوییلگن.

اوشبو پروژه دن یگانه مقصد بو- افغانستانده چارواچیلیک همده زراعت نینگ یوکسلیب رواجلنیشی دیر.

افغانستان زراعت وزیری، محمد آصف رحیمی جنابلری نینگ ایتیشیچه؛ مذکور پروژه نی یولگه تشلش، افغانستان زراعتینی اولگیدن کوره مستحکمله یدی.

40 میلیونی افغانستان حکومت بودجه سیدن توله نیشی کوتیله یاتگن دییرلی 65 میلیون دالرنینگ قالگن 25 میلیون مبلغی ایسه، امریکادن نینگ ( یو اس آی دی) اداره سی تامانیدن بیریله دی.

امریکا نینگ ترقیات ادراه سینینگ مسولی، کین یاماشیتا اوشبو پروژه نی امریکا و افغانستان نینگ اوزاق ییللیک یاردملریگه باعث بوله دی دیب ایتدی.

" بو برنامه افغانستان نینگ یوکسلیشی اوچون امریکا تامانیدن بیریلگن وعده لرنینگ تمثالی. نیچه آی آلدین توکیو کنفرانسیده بیز افغانستان نینگ یوکسلیشیگه وعده بیرگنیمیزدیک، ینه اوچ ییل افغانستان بیلن یاردم علاقه لرینی قوره میز."

افغانستان زراعت وزیرلیگی نینگ معلوم قیلیشیچه، جاری ییل نینگ دوامیده چارواچیلیک نینگ اونیب- اوسیشی اوچون تورلی خیل دستورلرنی یولگه قویگنلیگیدن درک بیردی.

وزیریلیک نینگ ایتیشیچه، افغانستان اوچون کیره کلی بولگن 94 فایز (غله جات) دان- دونلر اولکه نینگ اوزیده ایشلب چیقریله دی.

شو کبی برنامه لرنینگ ایشگه باشلشی نیچه ییل مابینیده افغانستاننی اوز ایاغلریده توخته شی اوچون اونیملی بیر حرکت حسابلنه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.