BBC navigation

مزارشهریده پارتله ش یوزبیردی

Сўнгги янгиланиш 3 сентябр 2012 - 08:17 GMT

مزار شریف شهریده اورنه تیلگن بیر بمب پارتله یشی عاقبتیده، بیش کیشی تینچ اهالی یره لنگن. محلی رسمیلر، یره لنگنلر بیری نینگ حالتی جدی دیب ایتماقده لر.

مزارشریف نینگ اطلاعات و مدنیت ریاستی، همده بلخ امنیه قومدانلیگیدن نیچه چقیریم مصافه سیده بیر پارتلش حادثه سی یوز بیردی.

دستلبکی معلوماتلرگه کوره، مذکور پارتلشده باعث بولگن کیشی، بمب نی اوز بایسکیلیگه سیغیشتیرگن.

بلخ پولیسی نینگ امنیت آمری باشلیغی، عبدالرزاق قادری نینگ بی بی سی گه ایتیشیچه؛ مهاجم کیشی نینگ بایسکیلیگه اورنه تیلگن اوشبو بمب اوزاق یولدن باشقریلیب، مزارشریفده گی گاوجوم منطقه لریدن حسابلنگن اطلاعات و فرهنگ ریاستی یقینیده پارتیلگن.

حادثه محلیده بولگن بی بی سی مخبری سیاره صمدی نینگ ایتیشیچه؛ پارتلش حادثه سی یوز بیرگن حدود ده گی دکانلرنینگ اکثری قسمیگه جدی خساره ییتگن. او ییرده گی موترلرنینگ کتته قسمی هم بوزیلیب کیتگن.

رسمیلر، خود شو کبی حادثه لر یوز بیریشی دن کیین حکومتگه قرشی بولگن قوراللی جنگریلرنینگ عیب لب چیقه دیلر. لیکن حاضر گه قدر هیچ بیر گروه مذکور هجوم مسوولیتی نی اوز ایلکه سیگه آلمه گن.

مزار شریف مملکت شمالی حدودی نینگ مهم شهرلریدن حسابلنه دی. مذکور شهر اوزبیکستان طریقیدن اورته آسیا بیلن یولی بارلیگی اوچون مملکت نینگ انچه مهم منطقه لریدن حسابلنه دی.

سونگی پیت لرده مملکت شمالی حدودلری نینگ خوف سیزلیک وضعیتی یمان لشیشی اوچون پارلمانده گی ایریم اوزبیک و تورکمن ملت وکیل لر حکومت نینگ تنقید آستیده آلیب مذکور منطقه لر امنیتی تأمین بولیشگه کوپراق سعی و حرکت لر یولگه قوییلیشینی طلب قیلگن ایدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.