BBC navigation

ایران و افغانستان اقتصادی همکارلیک لری قنچه لیک مهم؟

Сўнгги янгиланиш 5 сентябр 2012 - 12:54 GMT

افغانستان و ایران ایککی تمانلمه همکارلیک بیر شرطنامه امضا قیلدیلر. مذکور شرطنامه خوف سیزلیک، اقتصادیات و فرهنگی علاقه لرنینگ کینگه یتیریش مقصدیده امضالنگن.

ایران افغانستانگه امکانگه قدر اقتصادی یاردم لرینی دوام بیریشیدن سوز بیریب، ایرکین دریا ده افغانستانگه یول آچیش امکانیت لرنی یره تیشینی هم معلوم قیلدی.

ایران قدیم زمان لردن حاضر گه قدر افغانستان بیلن تجارتی علاقه سی بولیب، تورلی مال لرنی افغانستان بازارلریگه صادر قیلیشه دی.

ایران تورلی محصول لرینی ساتیشگه احتیاجی بولسه، افغانستان هم دینگیزگه یولی بولمه گن بیر مملکت صفتیده ایران گه انچه احتیاجی بار.

ایران تشقی ایشلروزیری علی اکبر صالحی، ایران نینگ چابهار بندری افغانستان اقتصادی ترقیاتی اوچون انچه مهم رولی بارلیگی نی معلوم قیلدی.

" اینگ یقین زمانده چابهار بندری دن افغان دوست لریمیزکینگ کولمده فایدله نیش لری اوچون امید بیلدیره میز. چابهار بندری سیزلر اختیارینگیزده. سیزلر تصور قیلمنگلر کی افغانستان باغلیق بیر مملکت و آچیق دریاگه یولی یوق. بیزنینگ بندریمیز سیزلرنینگ بندرلریز. و عزیز افغان لریمیز بوندن کیین مذکور بندر دن فایده لنیش امکانیت لریگه ایگه دیر."

خود شو کبی همکارلیک لرنینگ عملگه آشیریش سوزلری ایران و افغانستان آره سیده گپ لر جدی بولیشی بیلن، امریکا قوشمه ایالت لری افغانستان ایران نینگ 24 مالی موسسه و شرکت لری بیلن برچه اقتصادی رابطه لرینی کیسیشی نی طلب قیلگن. اما افغانستان تشقی ایشلر وزیری زلمی رسول ایسه، امریکا نینگ مذکور طلبی توغری سیده مملکت نینگ ملی منفعت لرینی نظرده توتیشی بیلن جواب قه یتریشی نی ایته دی.

" تحریم قیلگن مملکت لر بیلن بیز صحبت قیلماقده میز، اما بیزنینگ موقفی میز بو مسئله توغری سیده انچه آچیق. بیز منفعت لریمیز گه قره ب حرکت قیله میز."

شونده ی بیر حالده افغانستانده گی بیر قنچه اقتصادی تحلیل چیلری هم امریکا نینگ افغانستاندن بولگن مذکور طلبی عملی بولمس لیگیگه تاکید قیله دیلر.

مذکور تحلیل چیلرگه کوره، حاضر افغانستان بازار لری نینگ کوپ نرسه لری ایران دن کیلتیریله دی. خود شو مسئله باعث ایران افغانستان اوچون اوته مهم مملکت لریدن بیری حسابلنه دی.

لیکن حکومت امریکا نینگ مذکور طلبی گه قنده ی جواب بیریشی انیق معلوم ایمس.

ایران و افغانستان تجارتی علاقه لری نینگ هر ییللیک هزینه سی بیر یریم ملیارد دالر گه یته دی.

عین زمانده هر ایکله مملکت بو هزینه بوندن کوره هم کوپه یشی توغریسیده سعی لر جریانی بارلیگی دن سوز یوریتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.