BBC navigation

طالبان یاشیرینچ شکلده، چیرایلی قیزلر صورتلری آرقه سیده

Сўнгги янгиланиш 10 сентябр 2012 - 10:53 GMT

آسترالیا دولتی نینگ بیر تیکشیریشیگه کوره، طالبان گروهی، اجتماعی ترماغلر آرقه لی عیاللر رسملری دن فایده لب، مملکتده گی خارجی عسکرلر دن معلومات قولگه کیریته دیلر.

خارجی کوچلر نینگ حربی ریجه لرینی بیلیب آلیش مقصدیده، فیس بوک آرقه لی مذکور عسکرلر، اولرنینگ یقین دوست و قرینداش لری بیلن علاقه قوریش طالبان نینگ ینگی تکتیک لریدن ایتیلگن.

اما طالبان گروهی ایسه، خارجی لر قرشی سیده جاسوسلیک فعالیت لریده عیاللردن فایده لنمس لیگی نی ایتیب، لیکن باشقچه یوللردن بو توغری ده معلومات کیلتیریش لرینی ایتگن.

اجتماعی ترماغ لریدن جاسوسلیک فعالیت لریده فایده لش طالبان نینگ ینگی تکتیک لریدن دیه کورسه تیلماقده.

طالبان گروهی افغانستانده بولگن حاکمیتی زمانیده، رسم "تصویر" بیلن جدی شکلده قرشیلیک کورسه تگن ایدیلر. اما ایندی حربی مقصد لریگه ایریشیش لری اوچون، اجتماعی ترماغ لر آرقه لی، گوزه ل قیزلر رسملریدن فایده لب، خارجی عسکر لر بیلن علاقه قوریش لری ایتیلماقده.

ناتو نینگ افغانستانده گی ملازم لری، طالبان نینگ مذکور حرکتی نی خواطر توغدیرمه یاتگن حرکت لردن دیب بهاله گن لر.

" بیز اصلن خواطرده ایمس میز، حاضر گه قدر طالبان نینگ مذکور حرکت لری نتیجه سیده بیر قیینچیلیک بیلن یوزمه یوز بولمه گن میز. بو بیز اوچون مهم بیر موضوع ایمس، بلکه طالبان نینگ ناکام حرکت لریدن دیر و همه بیله دی کی بو تبلیغی بیر حرکت"

اما طالبان اوتگن عقیده لری قرشی سیده اوتگن نیچه ییل جریانیده، کینگ کولمده اجتماعی ترماغ لردن فایده لنماقده.

بوگروه یالغیزگینه قورال یراق دن فایده لش بیلن مشهور بولیب قالگنی تصور بولریدی اما ایندی رقیب لری نینگ مغلوب قیلیش مقصدیده ینگی یوللردن هم فایده لشنی باشله گنلیگی ایتیلماقده.

اما هر حالده طالبان تمانیدن اوریش جریانیده جاسوسلیک فعالیت لریده عیاللر دن فایده لش مسئله سی قنچه لیک ممکن؟

خوف سیزلیک بوییچه تحلیلچی جاوید کوهستانی:

" طالب لر و القاعده ترماغی، پاکستانده گی دینی مدرسه لریگه درس اوقیاتگن یاش طلبه لرنی، دینی درس لریدن تشقری، اولر گه خارجی تیللر اینیقسه انگلیس تیلی همده کمپیوتر و آی تی کبی موضوع لرنی هم اولر گه اورگته دیلر. پاکستان جاسوسلیک خذمتی " آی- ایس- آی" نینگ آی تی خذمتی انچه رواجلنگنی اوچون، و بو اداره آی تی پروگرام لرینی اورگه تیش توغری سیده انچه سرمایه یاتقیزیب، حتی کی بیلیم یورت دیک بیر مرکز هم توزه تگن کی اورده خارجی استاد لر هم درس بیره دیلر. اوندن کیین بو بیلیم لر، پس راق ده گی بولیم لرده انتقال بیریله دی".

بو مسئله لرگه قرگنده، هرچند ناتو و افغان کوچلری طالبان گه قرشی رواجلنگن تکنالوژی دن کینگ کولمده فایده لب کیلماقده لر لیکن شونده ی بولسه هم، مذکور کوچلر نینگ بیر قنچه قوماندان لری، جاسوسلیک فعالیت لریده، طالبان دن نیچه قدم آرقه گه قالگنلیک لرینی اعتراف قیله دیلر.

بیر قنچه تحلیل چیلر گه کوره، طالبان هر دایم هجومچی بولیب اما دولت ایسه مدافعه حالت نی اوزیگه ایگلله گنی اوچون، طالبان استخبارات بولیمیده بیر آز فعالیت لری کینگه یگن کورینه دی.

اما طالبان گروهی عیاللر رسم و اسم لریدن فایده لب، اجتماعی ترماغ لر آرقه لی خارجی کوچلردن معلومات یغیش مسئله سینی رد قیله دیلر.

مذکور گروه سوزچیسی ذبیح الله مجاهد:

" یولگه قوییلگن مذکور ادعا لر بوتکل اساسی یوق. حربی و اوریش مسئله لرده، عیاللردن فایده لنیش افغانی و اسلامی اصوللریگه قرشی دیر. طالبان امارتی بو توغری هیچ قنده ی بیر ریجه سی یوق. آسترالیا لیک کوچلردن استخباراتی معلومات لرنی یغیش باشقه طریق لر بیلن عملی بوله دی لیکن عیاللردن بو توغری ده فایده لش ناتوغری و بیز بو مسئله نی رد قیله میز".

آسترالیا مدافعه وزیرلیگی، مذکور مملکت کوچلری همده اولرنینگ عایله لری اجتماعی ترماغ لر اینیقسه فیس بوک دن فایده لنیش لری، عمدی سیز شکلده، مذکور کوچلرفعالیت لرینی خطرلر بیلن یوزمه یوز قیلینیشی ممکن لیگی نی ایتگن.

بو خبر ساندی تلگراف کونده لیگی تمانیدن هم ترقه تیلگن.

اوشبو تیکشروو بونی کورسه ته دی کی " آچیق ایشانچ" خصوصی حریمده کاذب امنیت نی کوچلر آره سیده آلیب کیلگن. اینقسه عسکرلرنی اجتماعی ترماغ لر خطرلری توغریسده مشق بیریش جریانینی یولگه قویش غایه سینی کوچیتیریب، عسکر لر آره سیده بو مسئله عایله وی نام کبی موضوع لرنی شریک قیلیش خواطرلرنی هم توغدیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.