BBC navigation

کراچی شهریده قریب 250 کیشی یانغین نتیحه هلاک بولدی

Сўнгги янгиланиш 12 сентябр 2012 - 16:29 GMT

یانغینده 246 کیشی هلاک بولگن

کراچی شهریده گی تیکووچیلیک کارخانه سیده یوز بیرگن یانغین عاقبتیده کمیده 246 کیشی قربان بولگن .پاکستانلیک ملازملر بو کبی ییرک حادثه مملکت تاریخده یوز بیرمهگنینی ایتشماقده.

اون بیش ساعتگه جوزیلگن یانغین سبب ، کتته سانده گی آدملرگه تن جراحتی هم ایتگن . تیمر پنجره لر بیلن توسیلگن و بناه ده عاجل چیقیش یولکلرنینگ یوقلیگی باعث ، یوزلب ایشچی کارخانه ایچکریسیده قمهلیب قالیشگن.

یانغیندن جان سقلش اوچون اولردن اکثریتی یوقاری قبتلردن اوزلرینی پستگه تشلشگن.یانغیننی جلولش اوچون قیرققه یقین اوت اوچرووچی ماشینه لازم بولگن .

ایچکریده گی جسدلرنی آلیب چیقیش اوچون قوتقرو خادم لر بیرکون آواره بولیشگن .

بوندن اول لاهورده گی پای افضل ایشلب چیقاریش کارخانه سیگه اوت کیتیب ، کمیده 25 کیشی هلاک بولگن ایدی .

هر ایککی حادثه یوزه سیدن هم تیرگو ایشلری باشلنگن .

دستلبکی تخمینلرگه کوره ، یانغینگه ناساز برق جنراتوری سبب بولگن.مسئوللر قوتقروایشلری هنوز دوام ایته یاتگنینی ایتیشماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.