BBC navigation

کابلده گی ناراضیلیک نمایش زوروانلیککه ایلندی

Сўнгги янгиланиш 17 сентябр 2012 - 11:55 GMT

اسلام پیغمبری محمد حضرتلری، حقیده تیارلنگن فلم گه قرشی یولگه قوییلگن ناراضیک نماییش زوروانلیککه ایله نیب ، پلیس موترلری وبیرقنچه کانتینرلرگه اوت قوییلدی .همده رسمیلر یللیک پلیس عسکری نینگ یره لنگنینی ایتگن.

اوشبو ناراضیلیک نمایش پایتخت کابل شهری نینگ شرقیده گی ناتو وامریکا تاسیساتی یقینده یوزلب کابلیک لر اشتراکی بیلن یولگه قوییلدی.

نمایشچیلر موترلر تایرلرینی یاندیریب نیچه ساعت کابل و ننگرهار شاه یولینی یاپیب قویدیلر.

اولر، امریکا قوشمه ایالت لریگه قرشی بقریش لر بیلن محمد حضرتلری حقیده تیارلنگن فلم نینگ مسخره آمیز اتب بو فلم نینگ تیارله گن شخصلرنی جزالنتریلیشینی طلب قیلدیلر:"ایته یاتگن گپیم شو کی قرآن وسلام قندی حکم قیلسه شونگه ماس فلم تیارله گن شخصلر محاکمه بولسین، چونکی اولر اسلام پیغمبریگه توهین قیلگن."

ناراضیلیک نمایش باشلگنیدن نیچه دقیقه اوتیب اوتمس زوروانلیککه ایلندی، غضبلنگن نمایشچیلر پلیس نینگ ایککی موتری و ترانسپورتی افسوتر ناملی شرکتیگه تیگیشلی بولگن نیچه کانتینر گه اوت قویشدی.

نمایش یولگه قوییلگن منطقه ده ایتیب کیلگن کابل ولایت نینگ پلیس باشلیغی محمد ایوب سالنگی نمایشچلرتمانیدن پلیس عسکرلری نینگ تاش باران بولیب اولردن بیرقنچه سی یره لنگنینی ایتدی:"پلیس نمایشیچیلر خوف سیزلیگیینی تامین لش ونمایش نینگ زوروانلیککه ایلنمسلگی اوچون بوییره کیلدی، اما تاسف بیلن ناراض کیشیلر نمایشنی زروانلیککه ایلنتیردی. پلیس موتری وافسوتر کانتینرلریگه اوت قویشدی ، شونینگ دیک پلیس گه قره ته تاش آتیب یللیککه یقین پلیسنی هم یره لنتیردیلر."

نمایش زوروانلیککه ایلنگندن سونگ منطقه ده قوشیمچه پلیس کوچلری ایتب کیلدی. شوباعث هم شهر ایچکریسده کیریب کیلشینی مقصد قیلگن نمایشچیلر ترقاقله نیب کیتدی.

نمایش یولگه قوییلگن منطقه اطرافی، حتی نمایشدن بیش کیلومتر اوزاق لیکده جایلشگن امریکا ایلچیخانه سی قرشیسده پلیس کوچلرینی جایلشگن ایدیلر.

بو تورتینچی کون دیرکه اسلام پیغمبری حقیده تیارلنگن فلم گه قرشی افغانستان بویلیب ناراضیلیک نمایش یولگه قوییله دی.

اوتگن کون یوزلب طلبه لر کابل هرات ولایتلریده ناراضیک نمایش اویشتیریب اوشبو فلم نینگ قتیغ قاره لگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.