BBC navigation

"رباني" ناميگه مسمي بولگن بيليم يورت طلبه لرينينگ مذكور اسمگه نسبتن ناراضيليكلري

Сўнгги янгиланиш 22 сентябр 2012 - 12:17 GMT

کابلده گی تعلیم و تربیه ناملی عالی اوقودرگاهی نینگ اونلب طلبه لری، مذکور عالی اوقویورت اسمی پروفیسور برهان الدین ربانی نامی بیلن اوزگرتیریشی اوچون قرشی لیک بیلدیریب، درسلریگه قتنه شیشدن باش تارتگنلر.

ناراض طلبه لر، مذکور عالی اوقودرگاه نامی اوزگرتیریلیشینی سیاسی بیر حرکت دیب بهاله گن لر. عین دمده اولر، مذکور حرکت، طلبه لر مابینیده، قومی و منطقوی قره مه- قرشیلیک لر توغدیریلیشی ممکن لیگینی هم معلوم قیلگنلر.

طلبه لر مذکور عالی اوقو یورت قدیمگی اسمیگه اوزگرتيریلمسه، اولر اوز اعتصاب لریگه دوام بیریشینی ایتگنلر.

اوشبو اعتراض چی طلبه لر سانی قریب ایککی یوز کیشی دیر کی عالی اوقوویورت درگاه نینگ اسمی اوزگرتیریلیشی اوچون، اوز قرشیلیک لرینی کورسه تماقده.

طلبه لر حکومت نینگ مذکور حرکتی قومی و منطقوی قره مه قرشیلیک لرنی توغدیریشی ممکن لیگی نی معلوم قیله دیلر.

"اکادمیک بیر نهاد نینگ اسمی نی جهادی رهبر لر اسمیگه مسما قیلیش سیاسی بیر حرکت دیب ایتیله دی. بو حرکت سیاسی و منطقه وی قره مه قرشیلیک لر همده قومی قره مه قرشیلیک لرنی توغدیره دی".

عین دمده ناراض طلبه لر، مذکور عالی اوقودرگاه نینگ اسمی برهان الدین ربانی نامی گه مسما بولگنی خوف سیزلیک نقطه نظری دن هم اولرگه قیین چلیک لر توغدیریشی ممكنليگيني ايتدي.

" اگر بیز جنوبی حدود لرگه مثلا میدان وردک یا قندهار گه کیتماقچی بولسک، و طالبان بیزنی توتیب آلسه تانیگنی بیلن بیزنینگ باشیمیزنی تنه میزدن جدا قیليشه دی"

ناراض طلبه لر، بیر قنچه اوقوتوچی لری اولر نینگ صفیگه کیرگنی نی ایتیبِ، حتی کی بیر قنچه سی حکومت نینگ مذکور حرکتی گه قرشی اوز وظیفه لریدن استعفاگه چیقگنینی هم معلوم قیلگن لر.

بو طلبه لر، مذکور عالی اوقو درگاه نینگ قدیمگی اسمی روی کارکیلیشینی بیر قطعنامه آرقه لی ایسته گن لر.

" اگر حکومت بیزنینگ ایسته گیمیز نی قبول قیلمسه بیز درسگه باریشدن باش تارته میز، عالی اوقو درگاهیمیز نینگ اسمی ملی بیر اسم ایدی. دولت حاضرگی اسمنی قیته دن قدیمگی اسمگه اوزگرتیریشینی طلب قیله میز".

مذکور عالی اوقویورت بوندن اوچ کون مقدم، یعنی مملکت عالی تینچیلک کینگاش رییسی برهان الدین ربانی ترور ایتیلگنی نینگ بیرییللیک مناسبتی بیلن، جمهور رییس کرزی بویروغی اساسیده تعلیم و تربیه عالی اوقویورت اسمی دن پروفیسور برهان الدین ربانی نامیگه اوزگرتیریلدی.

بو عالی اوقو درگاهی نينگ قریب 6 مینگ طلبه سی بولیب، ایگیرمه ییل دن بیری تعلیم و تربیه عالی اوقو درگاهی اسمی بیلن فعالیت قیلر ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.