BBC navigation

افغانستان پاکستاندن بیرلشگن ملت لر تشکیلاتیگه شکایت قیلگن

Сўнгги янгиланиш 23 сентябр 2012 - 12:14 GMT

افغانستان حکومتی پاکستاندن افغانستانگه قره ته راکتی اوقلر آتلیشیگه قرشی، بیرلشگن ملت لر تشکیلاتی نینگ خوف سیزلیک کینگاشیگه شکایت درج قیلگن.

افغانستان تشقی ایشلر وزیری بیرلشگن ملت لر تشکیلاتی خوف سیزلیک کینگاشی نینگ یغینیده، مذکور هجوم لر افغان حکومتی خواطرینی کوچه یتیرگنینی مذکور تشکیلات گه ایتگن.

شو نینگ دیک زلمی رسول، مذکور هجوم لر توخته مسلیگی بیلن، افغانستان و پاکستان آره سیده گی علاقه لرنینگ یمانله شیشی و منطقه ده گی ثبات گه سلبی تاثیر قوییشی مملکن لیگینی هم معلوم قیلگن.

افغانستان حکومتی پاکستانده گی راکتی هجوم لرینینگ آلدینی آلیش اوچون بیرلشگن ملت لر تشکیلاتی خوف سیزلیک کینگاشیگه شکایت درج قیلگنی دن کیین هم مذکور مملکت تمانیدن یالغیزگینه تیناون اینگ آز ایککی یوز راکت اوقی افغانستان شرقی حدود لریده توشگن.

افغانستان پاکستاندن راکت اوقی آتیلیشی اوچون نیچه مرته خواطر اظهار ایتگن اما حکومت نینگ بیرلشگن ملت لر تشکیلاتی گه قیلگن شکایتی، بیرینچی مهم حرکت لریدن حسابلنه دی.

تشقی ایشلر وزیرلیگی نینگ سوزچیلریدن فرامرز تمنا، تشقی ایشلر وزیری مذکور مسئله نی بیرلشگن ملت لر تشکیلاتی نینگ خوف سیزلیک کیناشیگه جدی شکلده اورته چیقرگنینی معلوم قیلدی.

بوگون افغانستان جمهور رییسی حامد کرزی هم بیرلشگن ملت لر تشکیلاتی نینگ عمومی یغینیده اشتراک ایتیش مقصدیده امریکا گه جونب کیتگن.

مذکور سفر جریانیده جمهور رییس کرزی، پاکستان و بریتانیا رهبرلری بیلن هم نیویارک ده اوچره شیشی ریجه لنگنی ایتیلماقده.

افغان رسمیلری نینگ بیلدیریشیچه، اوتگن بیریریم ییل جریانیده، مینگ لب راکت اوقی پاکستان دن آتیلیب افغانستانده گی شرقی کنر و نورستان گه توشیب کیتگن. مذکور هجوم لر اوزیدن تلفات و خساره لر هم قالدیرگن.

بیر قنچه گزارش لرگه کوره، پاکستان نینگ مذکور راکتی هجوم لری تیناون گه قدر دوام تارتگن و یوزلب عایله هم اوز اوی و جای لرینی ترک ایتیشگه مجبور بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.