BBC navigation

" ایریم ملت وکیللری نینگ اونلب قوریقچیسی بار"

Сўнгги янгиланиш 24 сентябр 2012 - 13:01 GMT

اولوسی جرگه نینگ بوکونگی یغینده ایریم ملت وکیللری نینگ تورت قوریقچیدن ارتیق اونلب قوریقچیلری بولگنی اچیق له نیب بومسله قرمه قرشیلیک لرگه سبب بولدی.

ملت وکیللری نینگ تورت قوریقچیدن ارتیق امنیتی قوریقچیلری بولگنی اولوسی جرگه نینگ بوکونگی جلسه سیده قیزیق بحث ومناظره لرگه سبب بولدی.

ایریم ملت وکیللری بومسله اصولگه قرشی بولگنینی اورغولب، همده امنیتی نقطه نظردن هم کیله جکده کتته معماگه ایله نیشدن خواطر اظهارایتدیلر.

ملت وکیللری نینگ قنچه سی قانونی قوریقچی وقنچه سی غیر قانونی قوریقچیلریگه ایگه بولگن روی خطی ملت وکیللریدن بیری محمد یاسین عثمانی تمانیدن شوندی آچیق لندی:"اعتبار بیرینگ کوپ قوریقچیسی بولگن شخصلرنی تانیب آلینگ اولر کتته کتته گپیره دیلر، مردم اولرنی تانیمیدی، محمد یونس قانونی نینگ ییگرمه توقیز قوریقچیسی بار ، ملت وکیلی الماس نینگ 20 نفر، پادشاه خان زدران توقیز قوریقچیگه ایگه محمد محقق یتتی قوریقچی، فوزیه کوفی بیش قوریقچی و سید حسین انوری نینگ توقیز قوریقچیسی بار،بولر افغانستان مردمیگه نیمه جواب بیره دی ،قیسی بودجه دن بو قوریقچیلرگه اییلیک بیره دیلر.بولر نینگ گپریش حقی یوق اوزلرینی اصلاح قیلیب اوندن کیین کتته کتته گپیرسینلر."

بو روخط نینگ اوقیلیشی کوپینچه ملت وکیللری تمانیدن تصدیق له نیب حتی ایریم ملت وکیللری ارتیق قوریچقی گه ایگه بولگن ملت وکیللرینی قتیغ قاره لب چیقدیلر.

کوپ قوریقچیسی بولگن ملت وکیللری نینگ اکثریتی ایسه سابق جهادی قومانلر بولگن.

عینی حالده روی خطده ناملری کیرتیلگن ایریم ملت وکیللری نینگ بیر- ایککی قوریقچیسی بولگن. بومسله هم جدی تنقید لرگه سبب بولدی، چونکی اولرگه اصول گه ماس تورت قوریقچی بیریلمه گن.

شونینگدیک قوماندان بولمه گن ایریم ملت وکیللری هم اوز خوف سیزلیک لری اوچون تورت قوریقچیدن ارتیق قوریقچیلرگه ایگه بولگن. اولردن بیری هم خانم فوزیه کوفی او، بوباره ده شوندی جواب بیردی:"مقصد تورت قوریقچیدن کوپ قوریقچیسی بولگن ملت وکیللری بولسه، شوندی ملت وکیللریگه امنیتی تهدید لر باعث ارتیق قوریقچی بیریلگن بو نه فساد ونه هم غیر قانونی بیر ایش :"

بیراق اکثریت ملت وکیللری خانم کوفی نینگ بو اظهاراتیگه قرشی چیقیب اونینگ کوپ صحبت قیلیشیگه ایزین بیرمه دیلر.

ملت وکیللری نینگ خوف سیزلیگنی تامین لش اوچون بولگن امنیتی قوریقچیلر واولرنینگ آییلیکلری ایچکی ایشلر وزیرلیگی تمانیدن بیریله دی. بیز ایسه اوشبو وزیرلیک مناسبتینی هم بوخصوصده اورگه نیشگه حرکت قیلدیک ،لیکن وزیرلیک نینگ مطبوعات مسوللری بوباره ده صحبت قیلیشدن باش تارتدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.