BBC navigation

افغانستانده اولدیرلگن امریکالیک عسکرلر سانی ٢٠٠٠ گه ایتدی

Сўнгги янгиланиш 30 сентябр 2012 - 10:45 GMT

٢٠٠١ ییلیدن بیری ٢٠٠٠ مینگ امریکالیک عسکر افغانستانده هلاک بولگن

امریکا حربیلیگی افغانستانده ایککی مینگچی عسکرنی بای بیرگن .بیر امریکالیک عسکر وشرطنامه اساسیده خذمت قیلگن بیر خارجی مملکت شرقیده، افغان خوف سیزلیک کوچلری اعضا سی تمانیدن اولدیرلگن .
جاری ییل " اتفاقچیلر" اره سیده هجوملر سانی کیسکین آرتگن و آی اورته لریده اتفاق کوچلری افغان حربی کوچلری بیلن قوشمه حربی عملیاتلرنی وقتینچه توخته تیشگه مجبور بولگندی.بیراق، پنتاگون یقینده مذکور عملیات قیته یولگه قویلگنینی معلوم قیلگندی.
امریکا طرفیدن بیرلگن تلفاتلر سانی ٢٠٠١ ییل افغانستان گه قرشی اوروش باشلنگن دن بویان ٢٠٠٠ گه ایتگن.
"نظارت نقطه سیده ماجرا"
ایساف-خلق آرا یاردم کوچلری سوزچی سییگه کوره، ینگی اولوم حالی شنبه کونی وردک ولایتده روی بیرگن .
شرطنامه اساسیده خذمت قیلگن خارجیلیک نینگ قیسی مملکت وطنداش ایکنی حاضرگچه آچیق لنمهگن.
افغان رسمی لری خارجی لر بیلن کیلشموچیلیک سید آباد تومنیده افغان ملی اوردو قرارگاه یقینیده نظارت نقطه سیده کیلیب چیققنینی ایتیشه دی .
وردک ولایتی پلیس خذمتی باشلیغی نینگ بی بی سی گه ایتیشیچه، حادثه ده قطار افغان عسکرلری هم اولدیرلگن .
ولایت حاکملیگی سوزچی سی شاهدالله شاهد نینگ مطبوعاتگه بیلدریشیچه ، افغان عسکرلریدن بیری قورالینی امریکالیک صف داشلریگه توغریلب آته باشلنگن .
"دستلبکی خبرلر افغان اوردو عسکرلری و امریکالیکلر آره سیده توشنموچیلیک کیلیب چیققنیگه اشاره بیره دی "، دیدی او.
دایلی تیلگراف مخبری نینگ محلی آدملردن اقتباس کیلتیرلیشیچه، اولر اهالی تورر-جایلریده تینتوو اوتکزیش مساله سیده کیلشیشه آلمهگن. هر ایککی تمان حربی رسمی لری حادثه یوزه سیدن تیکشرو باشلشگن .

جاری ییل اتفاقچی عسکرلری قوراللرینی بیر-بیرلریگه توغریلشلری عاقبتده کمیده ٥٢ خارجی عسکر نابود بولگن .
اولردن یرمی امریکالیکلردیر.
بو رقم اوتگن ییل ٣٥ نفرنی تشکیل ایتگن.افغانستان ده گی امریکا و ناتو کوچلری باش قوماندانی جنرال جان آلین مذکور حالتلرده اوته حوصله سی پیر ایکنینی بیلدرگن .
جاری آی یوزلب افغان عسکلری عینی تورده گی " ایچکیی هجوملر" باعث خذمتدن ایدلگنی و حبسگه آلینگنی معلوم قیلنگن.
ناتو جنگوار قوشونلرینی ٢٠١٤ ییل آخرلریده بوتونلی آلیب چیقیش نی ریجه لهگن .
اما ، خارجی عسکرلری ینه بیر نیچه ییللر افغانلر بیلن بیر صفتده خذمت قیلیشلری و اولرنی تیارلودن اوتکزیشلری کوزده توتیلگن .مخبرلرگه کوره، اگر اوز خارج صف داشلریگه قرشی قوراللرینی توغرله یاتگن افغان عسکرلری سانی آرتیب بارسه ، بو ریجه یولگه قویلمسلیگی هم ممکن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.