BBC navigation

عالی تینچلیک شوراسی اعضالری، اسلامی اولکه لرگه سفر قیلماقچی

Сўнгги янгиланиш 1 октябр 2012 - 07:26 GMT

افغانستان عالی تینچلیک پروسه سی اعضالری، افغانستانده گی اوروش و جنجاللرگه چیک قوییش و اسلام اهلی یاردملرینی قولگه کیلتیریش اوچون سعودی عربستانی یاکی ایریم اسلامی مملکتلرگه سفر قیلماقچی.

مذکور شورا اعضالرینینگ ایتیشیچه؛ اولر یقین کیله جکده افغانستانده گی ایریم قضیه لرنی حل ایتیش و قیینچیلیکلرنی برطرف ایتیش اوچون، اسلام اهلی عالملریدن یاردم سوره س نیتیده، سعودی عربستانیگه سفر قیلیب، اولر بیلن مباحثه قیلماقچی.

اوشبو شورا اورین باسری، جناب عطاالله لودین بو حقده شونده ی ایضاحلر کیلتیردی.

«تینچلیک عالی شوراسی، یقین آره ده اسلام عالملری اتفاقی بیلن سعودی عربستانی یاکی باشقه بیر اسلامی مملکتلرگه باریب، مناسب ریجه لرنی عملگه آشیرماقچی. افغانستانده بو کبی اوروشلرنینگ جوازی بارمی، یوق می، بو خصوصده اسلام عالملرینینگ فکرلرینی اورگنماقچی میز. جاری اوروشلرنینگ افغانستانده بوتونله ی تقدسی یوقلیگی حقیده، عالملر الله کتابی و فقهی هدایتلرگه تینگن حالده اوز فکرلرینی ایتیشلری تورگن گپ.»

بو شورا افغانستان حکومتیدن بیرلیک و تینگلیکنی اولکه ده اورنه تیش، اداری فسادنی یوق ایتیش اوچون جدی حرکت قیلیشینی، همده مخالفلرنینگ دولت ایشلریگه دخل بیرمسلیکلرینی مهم مسله صفتیده اورغولگن.

عالی تینچلیک شوراسی افغانستانده گی ناتو کوچلریگه هم ایریم مصلحتلر بیلن چیققن.

اولر، ناتو کوچلریدن افغانلرنینگ عرف- عادتلری و ایشانچ- اعتقادلریگه قتتیق حرمت قوییشلرینی طلب قیلگن.

عالی تینچلیک شوراسی نینگ اورین باسری، معلوم بیر اولکه دن آت توتمه دی، بیراق، امریکاگه شمه قیله یاتگن یوسونده؛ «اولر (امریکا) استراتیژیک دوستلریگه افغانستانده تینچلیکنی برقرار قیلیش اوچون تاکیدلشی درکار.»- دیب ایتدی.

افغانستان عالی تینچلیک دستوری اولکه ده تینچلیکنی اورنه تیش مقصدی بیلن، بوندن ایککی ییل آلدین ایجاد ایتیلگن ایدی. اوشبو شورا باشلیغی برهان الدین ربانی ایسه، دییرلی بیر ییل بورون، خودکشلیک هجومده هلاک ایتیلدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.