BBC navigation

ساعی: جوزجان برقی کوچسیزلگیگه سوو و برق وزیری مسوول

Сўнгги янгиланиш 2 октябр 2012 - 11:38 GMT

جوزجان اهالیسی، برق ضعیف لیگی دن انچه قیین چیلکگه قالگن لیک لرینی ایتماقده لر. مردم گه کوره، حکومت نیچه مرته برق نینگ کوچلی قیلیب بیریشی نی وعده بیرگن لیکن هنوز گه چه بو وعده لر عملگه آشیریلمه گن.

مذکور ولایت حاکمی هم مرکزی حکومت مسووللری دن بو توغریده ایجابی حرکت قیلمه گنلری اوچون شکایت قیلماقده.

جوزجان ولایتی اینیقسه شبرغان شهریده جاری ییل یاز فصلیده هوا ایسیغ بولیشی بیلن اهالی انچه، قیین چیلیکلرنی کیچیرگنلیکلرینی ایته دیلر.

شبرغانده برق ضعیف لیگی اهالی گه تورلی قیینچیلیک لرنی توغدیرگن دیگن گپنی جوزجان حاکمی هم تایید قیله دی.

اوشبو ولایت حاکمی محمد عالم ساعی، نیچه مرته کابل پایتختده گی مسوول لر و حتی کی جمهور رییس کرزی بیلن برق قیینچیلیگی نینگ برطرف ایتیش اوچون صحبت قیلگنینی ایته دی لیکن برق وزیرلیگی عملی شکلده حاضر گه قدر بو توغریده هیچ بیر آدم کوتارمه گنینی ایته دی.

ساعی جنابلری شونگه قوشیمچه قیلیب، جوزجانده برق نی اساسی شکلده اورنه تیش یا کی حاضر گی قیین چیلیک لرنینگ بر طرف ایتیش اوچون یالغیزگینه، اوزبیکستاندن افغانستانگه بیریله یاتگن برق تامیناتینی مزار شریف شهریدن تارتیب آلیش ویا جوزجانده گی گاز توربین لری فعال قیلینیشی دیر دیب معلوم قیله دی. اما حاضر بوتوغریده هم هیچ بیر عملی ایش باشلنمه گن.

جوزجان نینگ محلی رسمیلریگه کوره، تورکمنستاندن کیله یاتگن برق فقط گینه اندخوی و شبرغان شهری اوچون اجره تیلگن لیکن مذکور برق دن فاریاب مرکزی میمنه شهری بیلن قوشیمچه نیچه اولوسوالیک لر، سرپل ولایتی، و جوزجان مرکزی شبرغان بیلن قوشیمچه، آقچه و خواجه دوکوه اولوسوالیک لری هم شو برقدن تامین بولماقده.

جوزجان ده برق قیین چیلیک لری حل ایتیلمه گنی اوچون مذکور ولایت ملت وکیللری نیچه مرته بو مسئله نی یوزه گه چیقریب حکومت نینگ تنقید آستیده آلگن لر.

خود شو حرکت لرگه قرگنده جوزجان اهالیسی، محلی و مرکزی حکومت تمانیدن برق معما سی یقین کیله جکگه حل ایتیش وعده لری قچان عملی بولریکن دیب کوتیشی نی معلوم قیله دیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.