BBC navigation

"ملی منفعت گه قرشی عمل قیلگن رسانه لر حجتلر بیلن انیق لنسین"

Сўнгги янгиланиш 3 октябр 2012 - 12:13 GMT

افغانستان ژورنالیست لر بیرلشمه سی ، ایریم مطبوعات فعاللری ملی منفعتنی نظرده توتمی عمل قیله یاتگن دیگن گپلرنی قاره لب چیقدی.

اوتگن اون ایککی ییل جریانیده عامه وی اخبارات واسطه لری نینگ رواجلنگنی افغانستان دولتی نینگ کتته یوتوقلریدن بیری بولگنی ایتلسه ده ایندی لیکده عاموی اخبارات و سوزایرکین لیگیگه قرشی لیک لر هم کوزه تیلماقده.

ایریم رسانه لر وتحلیل چیلرملی منفعتنی نظرده توتمیدی دیگن گپ سوزلر، کرزی اشتراکی بیلن اوتکزیلگن وزیرلر کینگاشیده بحث بولگنی ینه ده بوموضوعنی ترنگلشتیرگن.

افغانستان ملی ژورنالیستلر بیرلشمه سی نینگ رییسی عبدالحمید مبارز هیچ قندی دیر انیق حجت موجود بولمی شوندی موضوع لرنی وزیرلر کینگاشیده مطرح بولگنیدن خواطر بیلدیر بوحقده شوندی دیدی:"وزیرلرکینگاشی فکرلریگه کوره اگرده قندی دیر رسانه ملی منفعت گه قرشی عمل قیلگن بولسه،بیزنینگ ایسته گی میز شو کی قیسی پروگرام کیم وقچان شوندی عمل گه قول اورگن، اونی دلیل لر بیلن آچیق لب بیرسین،رسانه لرنینگ عالی کینگاشی هم اونی قانون بوزرلیک صفتیده بیلسه، قانونی بیرکمیسیون تمانیدن انیق له نیب مردم گه اشکار ایتیلسین."

شونینگ دیک مبارز جنابلری، شوندی بیر رسانه نینگ غیر قانونی عمل قیلگنی انیق لنسه قانونگه ماس اوشبو رسانه بیلن یانداشیلیشیگه موافق ایکنینی اورغوله دی.

شونگه علاوه ژورنالیست لر اویشمه سی، بوموضوع خصوصیده مدنیت وخبرلر وزیرلیگیگه وظیفه بیریلگنینی ایتیب، بوکبی حرکت لر مدنیت وخبرلر وزیرلیگی نینگ مطبوعات فعاللریگه قرشی نامقبول رفتارلرینی ارتیریشگه سبب بولیشدن خواطر بیلدیردی.

اما افغانستان مدنیت وخبر لر وزیری، سید مخدوم رهین، بوکبی سوزلرنی مطلقا رد ایتب، ناقانونی عمللرگه قول اورگن رسانه لر و ژورنالیست لر بیلن قانونگه ماس یانداشیلشینی ایتدی."هیچ بیر رسانه بیلن غیر قانونی یانداشمه گن من، تخطی لر کمیسیونی، اونلب شکایتدن بیر یا ایککی ته سینی قانونی مرجع لرگه تانشتیرگن، شو بوگون کمیسیونده گی جلسه ده نیچه شکایت نی اوز ارا حل قیلدیک، مطبوعات ومطبوعاتده ایشله یاتگن لرنی قولیم بیلن ایکن نهال دیک بیلیب اولردن جدی حمایت قیلیب کیلگن من."

ژورنالیست و یازوچی محمدعالم کوهکن، حکومت تمانیدن بوندن الدینلرهم رسانه لرگه قرشی شوندی عیبلاولر قوییلگنینی اورغولب، بوندن اساسی مقصد سوزایرکین لیگینی بوغیب قویش دیه فکر بیلدیردی.

باشقه تماندن افغانستان مطبوعات قانونی نینگ ینگی لایحه سی تصدیق لنمه گنی اساسی معما گه ایلنگن. چونکی اوشبو قانونده ژورنالیست لرنینگ فعالیت لریگه کوپلب چیکلاولر قوییلگنی ایتیلیب شوباعث سوز ایریکین لیگیدن حمایت ایتب کیلگن قوریلمه لر بونگه قرشی لیک بیلدیرماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.