BBC navigation

افغانستان عیاللری آره سیده سوء قصد حادثه لری کوپه یگن

Сўнгги янгиланиш 7 октябр 2012 - 07:48 GMT

افغانستان نینگ چیککه منطقه لریده ایریم عیاللر و ایرککلر تورلی خیل قیینچیلیکلر باعث، حل یولی اوله راق اوزلرینی اولدیریشگه رغبت کورسه تیشه دی.

افغانستانگه اوخشه گن اوزون مدتلی اوروش و تارتیشوولر گردابیده قالگن اولکه ده عیاللرنینگ اوزلریگه اوزلری اوت قوییشی یاکی اوزلرینی اولدیریش حادثه لری کیسکین کورینیب توره دی.

روحیات شناس متخصصلرنینگ تحلیل قیلیشلریچه؛ نامناسب عایله قوریشلر، بنگیوار ماده لرگه بیریلیب کیتیش، حیاتده توستدن یوز بیره دیگن ناخوش حادثه- واقعه لر، عایله نینگ بوزیلیشی، اسکیزو فرنی کسللیگی (روحی کسللیک) و ایرککلرنینگ عیاللرگه نسبتن خشم مناسبتلری نینگ موجودلیگی کبی، نیچه بیر دلیللر، افغانستانده عیاللرنینگ اوز جانلریگه قصد قیلیشگه سبب بولگن.

عاطفی جهتدن تحقیرلنگن انسان اوزینی خورلنگن حس قیلیشی ممکن. اوز جانیگه قصد قیلیش نینگ دلیللریدن بیری بلکی شو دیر. تخارلیک عبدالرازق گه کوره عیال قتلمی نینگ اوزلرینی اولدیریشگه جسارت قیلیشلری، اولرنینگ عایلوی معمالری بیلن بیواسطه باغلیق.

مزارشریف یشاوچیسی عبدالکریم نینگ فکریگه قره گنده، دست اول عایله باشلیغی خاتین- قیزلریگه مناسب یشش یوللرینی تیار قیلیشی درکار. خوددی شونده ی بو خصوص مسله لرنی توبدن یوقاتیش اوچون، حکومت نینگ هم کیره کلی ریجه لر کوریب چیقیشی لازملیگیگه ایشانچ بیلدیره دی او.

بلخ بیلیم مسکنیده روانشناسلیک مضمونی بوییچه استادلیک وظیفه سینی بجریب کیله یاتگن اسدالله ضیا جنابلری، خودکشلیک حادثه لرینینگ دلیلی نیچه خیل بولیشی ممکنلیگینی ایترایکن، انسانلرنینگ تورلی ساحه ده ییترلی معلومات گه ایگه بولمه گنلیکلری، روحی جهتدن قیین وضیعتده قالگنلریده، اولرنینگ اوز جانیگه قصد قیلیشلریگه باعث بوله دیب ایته دی. چاره یولی اوله راق ایریم مصلحت مرکزلرینینگ آچیلیشینی هم ذکر ایتیب اوته دی.

اوز جانیگه سوء قصد قیلیش حادثه سی بوتون دنیاده موجود. اگر معلوماتلرگه ایشانه دیگن بولسک، جهانده گی برچه اوروش- تلشلر باعث هلاک بوله یاتگنلردن کوره، اوز جانیگه قصد قیله یاتگن آدملر سانی کوپلیگی انیقلنگن. خلق ارا ساغلیکنی سقلش تشکیلاتی تامانیدن چیقریلگن سونگی حساباتگه کوره؛ جهان بویلب هرییلی دییرلی بیر میلیون کیشی اوزینی اولدیره دی، یعنی، هر قیرق ثانیه ده بیر نفر. خودکشلیک حادثه لری اولیم نینگ اونینچی دلیلی و دنیانینگ یوزدن بیش فایز اولیملرینی تشکیل بیره دی. ایریم تشکیلاتلر نینگ تدقیقاتیگه کوره، سوی قصد اروپاده کوپ یوز بیره دی. بیراق اسلامی مملکتلرده ایسه، اونچه لیک کوزه تیلمه یدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.