BBC navigation

شمالی حدودلرنینگ قشلاق لریده توقیله یاتگن قالین لر دنیا بازاریگه تجارت بوله دی

Сўнгги янгиланиш 10 октябр 2012 - 10:07 GMT

افغانستان اوزبیکلری تمانیدن توقیله یاتگن تورلی خیل قالینلر، دنیا نینگ اینگ مرغوب قالین لری جمله سیدن سنله دی.

افغانستان قالینی دنیا بویلب شهرت قازانگنی بیر مسئله بولسه، سونگی پیتلرده دولت تمانیدن اوشبو قول صنعتی نینگ یخشی حمایه ایتیلمسلیگی ایسه ینه بیر معما بولیب قالماقده. شوسببدن هم خلق آره سیده قالین توقیشیگه بولگن قیزیقیشلر بیرآز کمه ییگنی کورینماقده.

حیات درآمدینی انچه قیینچیلیکلر بیلن قولگه کیلتیره یاتگن عایله لرگینه قالین توقیش کبی محنت ایشلری بیلن آواره.

فاریاب نینگ اندخوی تومنیده گی یوزلب عایله لردن بیری نینگ اوییده باش اوردیم. بوعایله قیزلری ، هم درس اوقییب، همده قالین توقیش صنعتی بیلن مشغول. بو عایله نینگ قیزلریدن بیری خانم مریم، هر ایککله بورچینی یخشی بجریشگه اورینیشینی تیلگه آله دی. شونینگ دیک مریم قالین توقیشده انچه مهارتلی کورینه دی.

مریم نینگ ینه بیر همشیره سیذکیه گه کوره، آنه لری نینگ بویروغی اساسیده قالین توقییدیلر، شونینگ دیک بو قیزلرنینگ آنه سی هم قالین توقیشدن باشقه هیچ قنده ی مشغولیتی یوقلیگینی اوقتیره دی.

مذکور عیال نینگ بیلدیریشیچه، قالین توقیشدن قولگه کیلتیره یاتگن مبلغی، اولرنینگ برچه احتیاجلرینی برطرف قیله آلمه یدی.

ذکیه و مریم نینگ آته لری اله قچان دنیا دن کوز یومگن. بیراق اولر نینگ بیر تاغه سی بار. بو قیزلرنینگ تاغه سی مذکور عایله نینگ دست یاریگه ایلنگن. کوچه- بازار سودا- ساتیقی (ساتیغی)هم شو کیشی تمانیدن به میلِ خاطر بجریله دی.

بو عایله دن تشقری مملکت شمالی حدود لریده استقامت قیله یاتگن ینه یوزلب عایله خوددی شو کبی محنت ایشلری بیلن مشغول بولیب، حیات کیچیره دیلر.

درواقع، افغانستان آتی بیلن شهرت قازانگن قالینلر، کوپراق اوزبیکلر زیچ یشه یاتگن شمالی حدودلرده توقیله دی، بیراق سونگی پیتلرده دولت تمانیدن بو قول صنعتی یخشی حمایه ایتیلمه یاتگنی سبب، قالین توقیشگه بولگن قیزیقیشلر خلق آره سیده بیرآز کمه ییگن.

هرچند افغانستان دولتی قالین توقیش صنعتینی رواجلنیب شکللنیشی اوچون ایریم برنامه لرنی یولگه قویگنیدن سوز یوریتگن لیکن، قالین ایشلری بیلن شغللنیب کیله یاتگن سوداگرلر حاضرگه قدر هم کوپگینه معمالر بیلن یوزمه یوز ایکن لیکلریدن شکایت قیلیشماقده.

افغانستان تجارت وزیرلیگی گه کوره، پاکستان افغان قالینلرینی تشقی اولکه لرگه صادر قیلیشدن ییل بویی بیش یوزمیلیون دلار منعفت بردار بوله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.