BBC navigation

"روحی کسللیک هر عایله نی تاثیر آستیده قویگن"

Сўнгги янгиланиш 11 октябр 2012 - 10:17 GMT

روحی کسل لیک لرگه چیلینگن لرنینگ انیق رقمی دن معلوم ایمس اما اولکه ده روحی کسل لیکلر دن عذاب چیکه یاتکن لر سانی کوپ .

اجتماعی کیلیشماوچلیکلر و اوندن کیلیب چیقه یاتگن عایلوی جنجال و خشونتلرنینگ عامل و سبب لری کوپ. اما نتیجه سی ایسه فقط بیر نرسه، او هم ایسه روحی فشارلر. یعنی روحی کسللیکلرنینگ اصل ایلدیزی انه شو فشارلر دیر.
افغانستان کبی اوروش دن کوپ ضرر کورگن بیرمملکتده اونینگ تاثیراتی جوده هم سلبی بولیشی ممکن. هرچند افغانستانده روحی کسل لیکلرگه چلینگنلرنینگ رقمیدن رسمی وانیق معلومات یوق اما افغانستانده گی هر بیر خاندانده روحی کسللیکه چیلنگن کمیده بیر شخص بولیشی تعین گپ ایکنینی متخصص لر تاکیدله یدیلر.
افغانستان غربیده گی روحی کسللیکلرنی علاج قیله یاتکن مرکز مسولی، متخصص نظیف الله پوینده بو موضوع نی اورغولب چیققن.

”هر اوی ده روحی کسل لیک لرخصوصا اضطراب یاکی افسردگی دن عذاب چیکه یاتکن بیر یا ایککی کشی نی اوچره تیش ممکن . افسوس بیلن ایتیشی کیره ک کی، روحی کسل لیک لرگه چیلینگن لرنینگ انیق رقمی دن معلوماتیمیز یوق اما اولکه میزده روحی کسل لیکلر اینیقسه افسردگی و اضطراب توری دن عذاب چیکه یاتکن لر سانی کوپ بولگنی نی ایشانچ بیلن ایته اله من ."ایتلیشیچه بو کسللیکه قرشی کورش اوچون اینگ قولی یول وقایه یا آلدینی آلیش دیر.داکتر پوینده دن روحی کسل لیک لرنینگ دستلبکی عامل لری و اونینگ آلدی نی آلیش اوچون کیرک بولگن چاره تدبیرلردن سوره دیم.

"عایلوی جنجال لر ، عیال و عمریولداشی آره سیده کیلیشوو بولمه گنی ،عایله اعضالری ارا فکرداشلیک و یره شیش یوقلیگی روحی کسللیکلرنینگ اساسی سببی دیر اگر بو توغریده گی تشویشلرنی علاجی اوچون چاره- تدبیر کوریلمه سه، بو لر نهایت ده روحی افسردگی و اضطراب گه ایلنه دی. اگر هر بیر شخص ایککی هفته دن کوپراق قیغو وغم احساس قیلسه و عایله ، اجتماع و تیوره ک- اطرافلریده گی آدم لر بیلن علاقه لری اوزگرگنینی حس قیلسه و نهایت ده اولگی شادمان لیک ونشاط حیاتیده کورینمه سه حتمن روحی کسل لیک لرنی علاج قیله یاتگن شفاکار لرگه مراجعه قیلیش لری شرط ."

روحی کسل لیکلرنینگ نیچه خیل درجه سی بار .حافظه یا فکری تعادل لرنی قولدن بیرگن ایریم بیمار لر باشقه لرگه خطر توغدیریش لری ممکن. هرات شهری ده شو حاضر افغانستان نینگ برچه ولایتلریدن کیلتیریلگن شوندای خطر لی بیمارلر دارالمجانین دیب ناملنگن مرکزده سقلنماقده .بومرکز هرات ده اون ییل الدین افغانستان نینگ سره میاشت یا قزل هاج اداره سی تمانیدن ایجاد ایتلگن.
افغانستان غربیده گی قیزیل آی اداره سینینگ مسولی نور الدین احمدی بو بیمار لرگه دولت تمانیدن قنده ی خذمت لرکورسه تیلیشی حقیده قوییدگی چه معلومات بیره دی .

"بو مرکزده شوحاضر روحی کسل لیکلرگه مبتلا بولگن مملکت نینگ 34ولایتی یشوچی لریدن 170 عیال وارکک بیمار سخلنماقده. بو مرکز افغانستان بویلب روحی کسل لیکلرگه چلنگن بیمار لراوچون یگانه دارالمجانین دیر .بومرکز ده بیز بیمارلرنی کودنده لیک اذوق اوقات ، کیم و همده کیرک بولگن دارو لرنی تامین لی میز بو بیمارلرنی علاجی اوچون هم مخصوص دستور لر جمله دن سپورت حرکت لری هرکونی اجرا ایتله دی."

افغانستان کبی بیرمملکت ده بونده ی بیمار لرنی دوالش کوپ قیین بولگنی ایتیلماقده .اما بونگه قره مه ی، ایریم بیمار لر بو دارالمجانین ده علاج بولیب قیته عایله لری حضوریگه بارگنینی احمدی جناب لری تاکیدله یدی .

"اوتکن اوچ ییل جریانیده 22 کشی ساغلیکلریگه ایریشگنی، بیز اوچون قووانرلی وقیزیق .بو 22 کشی قیته ساغ لیک لرینی حاصل قلیب اولرنی بیز عایله لریگه تاپشیردیک بو ایسه بیز اوچون اوته فخرلنرلی موضوع دیر ."

افغانستان ده روحی بیمار لر سانی کون سایین آرتیب باریشیگه قره گنده افغانستان عامه ساغ لیک وزیرلیگی بو بیمارلیککه قرشی کورشنی نیچه ییل دن بویان اساسی خذمت لر جمله سیگه کیریتگن. بو وزیرلیککه کوره کیله سی 2020- نچی ییلگه قدر اوشبو وزیرلیگ نینگ استراتیژیسیگه اساسن مملکت نینگ ولایت و اولسواللیگ لریده گی برچه کیلنیک و ساغلیکنی سقلش مرکزلریده روحی کسل لیکلر بوییچه تعلیمات کورگن شفاکار لر اهالی گه خذمت کورسه تیش اوچون ایشگه آلینماقچی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.