BBC navigation

ایران و افغانستان رسمیلری سیاسی و اقتصادی همکارلیک لرینی کوچه یتیرماقچی

Сўнгги янгиланиш 14 октябр 2012 - 12:00 GMT

ایران دولتی نینگ تشقی ایشلر وزیری اورین باسری افغانستانده گی سفری چاغیده امریکا ایرانگه هجوم اویشتیرسه، ایران، قولیده بار امکانیت لردن فایده له نیشی ممکن دیب آگاه لنتیرگن.

عینی حالده افغان مقاملری افغانستان توپراغیدن ایران گه قرشی فایده له نیشگه هیچ بیر اولکه گه ایزین بیرمسلیگینی ایتگن.

ایران گه قرشی تحریملر کوچه یتیریلگنی همده افغانستان وامریکا قوشمه ایالت لری آره سیده گی علاقه لر یمان لشگن بیر پیتده بوکبی اظهارات لربیلدیریلماقده.

ایران تشقی ایشلر وزیرلیگی نینگ سیاسی اورین باسری سید عباس عراقچی، علاقه لرنی هرتمانلمه کوچه یتیریش مقصدی بیلن افغانستانگه ییتیب کیلگن.

او، افغانستان تشقی ایشلروزیرلیگی نینگ سیاسی اروین باسری بیلن کابلگه اوتکزگن قوشمه مطبوعات انجمنیده امریکا ایرانگه هجوم اوییشتیرماقچی بولگنده انچه حادثه لر یوز بیریشی ممکن لیگی نی معلوم قیلدی.

"مین بیر دیپلومات من، دیپلومات لر تینچلیک توغری سیده سوزیورتیشنی یوقتیره دیلر نه اوریش. بیز هیچ قنده ی حادثه یوز بیرمس لیگیگه امید بیلدیره میز. بیز واشنگتن ده گی امریکا رسمیلری نی اونده اشتباه گه قول اوریشگه عاقل راق بیله میز تا منطقه ده باشقه بیر اوروشگه سبب بولسه لر. لیکن اولر اوریشگه قول اوریش لری هم ممکن بیراق بو اوریش توگه ماغی اولرنینگ قولیگه ایمس. هرقنده ی اوریش جریانیده هر قنده ی حادثه یوز بیریشی ممکن".

عینی حالده، افغانستان تشقی ایشلر وزیرلیگی نینگ سیاسی اورین باسری جاوید لودین هم افغانستان توپراغیدن باشقه اولکه لرگه قرشی فایده نیش اوچون هیچ بیر اولکه گه ایزین بیرمسلیگینی معلوم قیلدی.

نیچه کون خلق ارا انقراض گروهی بیر حسابات ترقه تیب 2014 میلادی ییلدن کیین افغانستان حکومتی سقوط قیلیشی احتمالیدن خبربیردی.

شونگه علاوه افغانستان حکومتی، امریکا شوندی حسابات لرنی ترقه تیش بیلن افغانستان حکومتی گه باسیم اوتکزیب، افغانستان مسئله لریگه اره له شیش اوچون زمینه یره تماقچی ایکنینی اورغوله گن ایدی.

باشقه تماندن آلیب قره گنده امریکا قوشمه ایالت لری، ایران وافغانستان آره سیده گی تجاری علاقه لرنی کیسیب قویش اوچون اوز باسیملرینی کوچیترگن لیکن شوندی بولیشگه قره مسدن افغانستان وایران رسمیلری اقتصادی همکارلیک لریگه دوام بیریشلرینی تاکیدلب اوتدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.