BBC navigation

"ربانی آتیگه مسمی بولگن عالی اوقوو درگاهی قینچلیگی هلی هم حل بولمه گن"

Сўнгги янгиланиш 13 октябр 2012 - 12:10 GMT

ایریم مدنی جمعیت قوریلمه اعضالری شونینگ دیک عالی اقوودرگاهی نینگ ربانی آتیگه مسمی بولگنیگه قرشی چیققن استادلر، قرشیلیکلر حل بولمه گنیدن خواطر اظهارایتدیلر.

تعلیم تربیه عالی اوقوو درگاهی نینگ ربانی آتیگه مسمی بولگنی باعث یوزگه چیققن جنجل دن قریب اوچ هفته اوتماقده، لیکن کورنیشیچه بومسله هلی هم حل بولمه گن.

بوگون کابلده قوشمه مطبوعات انجمنی اوتکزگن کابل عالی اقوویورتللری نینگ ایریم استاذلری همده اوزلرینی مدنی جمعیت قوریلمه اعضالریر دیب تانتشتیرگن شخصلر قرش لیک لر اوزجایگه تورگنینی ایتدیلر. عینی حالده اولر بومشکلنی حلی اوچون جمهورریس کرزی نینگ جدی سعی قیلیشی کیره ک لیگیینی اوروغوله دیلر.

تعلیم تربیه عالی اوقوویورتی نینگ ربانی اتیگه مسمی بولگنیگه قرشی چیققن استاذلر وکیلی دیب تانشتریگن استاد محمود صافی ، ربانی آتیگه مسمی بولگن یونورسیته اولگی آتیگه قیته اوزگرتیریلمه سه بو فرمان گه قرشی استادلرنینگ درسی اعتصابگه چیقیشی بیلن اگاه لنتیردی"تعلیم تربیه پوهنتونی، کابل طبیات وپلتخنیک پوهنتونی نینگ استادلری تعلیم تربیه پوهنتونی نینگ برهان الدین ربانی اتیگه مسمی بولگنیگه قرشی، ناراضلیک نمایش همده طلبه لر اره سیده پیدا بولگن نفاققه نقطه قویش اوچون پوهنتون اولگی اتیگه اوزگرتیلسین ،اگر حکومت بیزنینگ طلبیمیزگه بها بیرمه سه برچه استادلر درسی اعتصابگه چیقیب ویاهم استعفا بیریش قرارینی آلیش لری ممکن."

مدنی جمعیت قوریلمه لری نینگ هماهنگلشتروچی مرکزی سوزچیسی حیات الله حیات ، افغانستان سیاستی گه مطرح بولیب کیلگن شخصلر اوستیدن مستقل انسان حقلری تمانیدن جدی تیکشرو اوتکزیلمه گونگه قدر، اولر اتیگه پوهنتون یا باشقه بیر مکاننی مسمی قیلیش ناتوغری ایکنینی ایتدی:"بیزنینگ فکرمیزگه کوره ثور ایی نینگ یتتینچیسیده یوزبیرگن قوزغلان دن کیین افغانستان سیاستیگه اره له شیب کیله یاتگن شخصلر اوستیدن تیکشرو اوتکزیلیب کیم پاک کیم ناپاک بولگنی انیق لنسن، کیم انسان حقلرینی ایاغ استی ایتگن کیم ایتمه گن. اصلی هدفیم اوتیش عدالت دوری نینگ عملی بولیشی دیر. اگر بومسله اچیقلنمه سه هربیر مکان قندی دیر شخصیت اتیگه مسمی قیلینسه ، شوندی قینچلیک لربیلن یوزمه یوزبوله میز."

اما برهان الدین ربانی طرفدارلری اونینگ ملی بیرشخصیت اتب، تعلیم تربیه عالی اوقوو یورتی نینگ اونی اتیگه مسمی بولیشینی بجا بیله دیلر.

تعلیم تربیه عالی اوقوو یورتی نینگ برهان الدین ربانی اتیگه مسمی بولگنیدن سونگ اوشبو یونورسیته نینگ بیرقنچه طلبه لری بونگه قرشی چیقیدی. آنه شو قرشی لیک وناراضلیک نمایشلر قریب اوچ هفته دوام تارتدی. اینگ سونگ ناراضلیک نمایشده، موافق و مخالف طلبه لرآره سیده قرشی لیک اوز اوجیگه ایتیشیب زوروانلیککه هم ایلندی. نهایت ده بومسله نی حلی اوچون افغانستان جمهورریسی ناراض طلبه لر وکیللری بیلن هم اوچره شدی لیکن کورنیشچه هلی هم بومعما حل بولمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.