BBC navigation

بریتانیا: حربی لریمیزنی ایککی ییلدن کیین چیقاره میز

Сўнгги янгиланиш 16 октябр 2012 - 12:35 GMT

بریتانیا و افغانستان آره سیده گی همکارلیک بیتیم نینگ اجرا ایتیلیشی اوچون هر ایککله ممکت تمانیدن توزه تیلگن کمیسیون آره سیده بوگون بحث بولدی.

بریتانیا تشقی ایشلر وزیری نینگ اورین باسری کابلگه بولگن سفری چاغیده، مذکور بحث لرنی افغانستان تشقی ایشلر وزیری نینگ اورین باسری بیلن یولگه قویدی.

افغانستان و بریتانیا آره سیده گی همکارلیک بیتیم قنده ی اجرا بولیشی و همکارلیک لرنی قنده ی کینگه یتیریلیشی بوگون کی اولتیریش نینگ اساسی موضوع لردن حسابلنگن.

افغانستان و بریتانیا آره سیده گی کمیسیون جاری ییل نینگ جنوری آییده جمهور رییس کرزی و باش وزیر کامرون تمانیدن ایجاد ایتیلدی. بو کمیسیون نینگ قوریش دن اساسی مقصد، هر ایککله مملکت آره سیده امضالنگن همکارلیک قرارداد بند لری نینگ عملی قیلیشی دن نظارت ایتیش دیر.

افغانستان تشقی ایشلر وزیری نینگ اورین باسری جاوید لودین مذکور کمیسیون نینگ بیرینچی اولتیریشینی یخشی بولیب اوتیشیدن سوز یوریتیب، بو اولتیریش لر کیله جکده هم دوام تارتیشی نی معلوم قیلدی.

بریتانیا امریکا دن کیین افغانستانده یاردم بیروچی ایککینچی بویوک مملکت لردن حسابلنه دی.

افغانستان رسمیلری مذکور مملکت یاردم لریدن منت دار چیلیک بیلدیریب لیکن مذکور یاردم لر دوام تارتیشی اوستیده تاکید قیلماقده لر. شونده ی بیرحالده بریتانیا تشقی ایشلر وزیری نینگ اورین باسری خانم وارثی هم 2014 نچی میلادی ییل دن کیین بریتانیا اوز یاردم لرینی افغانستانگه دوام بیریشی دن سوز یوریتدی.

بریتانیا نینگ مذکور مقامی، ایککی ییل دن کیین برچه حربی لرینی افغانستاندن چیقاریشی اوستیده تاکید قیلدی اما علاقه لری بو مملکت بیلن دوام تارتیشی نی اورغوله دی.

"بریتانیا اوزاق مدتلی افغانستان بیلن بوله دی. بیزنینگ همکارلیک لریمیز 2014 نچی ییل دن کیین افغانستان بیلن انچه کینگ. بو همکارلیک لر، خوف سیزلیک نقطه نظری دن توتیب تا تینچلیک نی اورنه تیلیشی، حکومتدارچیلیک، قانون تطبیق بولیشی و فرهنگی علاقه لردن عبارت. بیز افغانستان نینگ بویوک آرقه داشی صفتیده هم حربی بولیمیده و هم قیته قوریش بولیمیده، 2012 نچی ییل دن تا 2015 ییل گه قدر شو نینگ دیک اوندن کیین هم بو ییرده قاله میز".

بریتانیا حکومتی، افغانستان بیلن همکارلیک لری دوام تارتیلیشی سوزلری شونده ی بیرحالده بیان بولماقده کی، افغانستانده جایلشگن ناتو کوچلری هم بوگون، افغانستان خوف سیزلیک کوچلری امنیت مسوولیت لری نینگ اوز ایلکه لریگه آلیشه آله دی دیگن سوزلرنی یوریتدی.

آیساف کوچلریدن افغانلرگه خوفسیزلیک مسوولیت لری بیروچی قوماندانی گه کوره، حاضرگی کونده افغان حربی لری افغانستان توپراغی امنیتی نینگ تورت دن اوچ قسمینی اوز ضمه لریگه آلگن لر.

شونده ی بیرحالده آیساف کوچلری خوف سیزلیک مسوولیت لری نینگ تورتینچی مرحله سی عملی بولیشی نی افغانستان حکومتی اعلام قیلیشی نی ایسته گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.