BBC navigation

پکتیاده یوزبیرگن هجومده اونلب افغان عسکری یره لنگن

Сўнгги янгиланиш 17 октябр 2012 - 08:11 GMT

پکتیا ولایتی نینگ زرمت تومنیده گی ملی اردو قرارگاه سیده، قوراللی عصیانچیلرتمانید اویشتیریلگن هجومده مقاملرگه کوره اونلب افغان عسکری یره لنگن.

پکتیا ولایتی نینگ ولایت حاکمی اورین باسری عبدالرحمان منگل عصیانچیلر حربی قرارگاه ایچکرسیده کریب کیلیشی گه قادر بولمه گنینی ایتگن، عینی حالده منگل جنابلری اوشبو هجومده اونلب عسکر یره لنگنینی ایتیب بوحقده شوندی فکر بیلدیرگن: " ایرته لب توقیز یریم اطرافیده، هجوم اویشتیریلدی هجومده افغان ملی اوردوعسکرلریدن 45 ته سی یره لندی . هجومده هیچ کیم هلاک بولمه گن."

دستلبکی خبرلرگه سککیز تینچ فقرا هم یره لنگنی ایتلگندی.

زرمت تومنی نینگ کسلخانه مسوولی داکتر حاجی محمد بی بی سی بیلن بولگن صحبیتده پارتلش نتیجه سیده اویلر شیشه لری سینیب توشگنی سببلی اوشبو سککیز تینچ فقرا یره لنگندیب فکر بیلدیرگن.

اما ایساف کوچلری، اوشبو هجومده افغان عسکرلریگه تالفات یتکزیلگن بولیشی ممکن لیگینی اظهارا ایتگن.

فرانسه خبر آژانسی، ایساف کوچلری سوزچلریدن بیری نینگ اظهاراتیگه ماس پکتیا ولایت نینگ زرمت تومنیده گی افغان و خارجی کوچلرنینگ قوشمه حربی مرکزیده قوراللی عصیانچیلر پارتلاوچی ماده دن توله بولگن موترنی پارتلتگنیدن خبربیرگن. همده هجومده افغان کوچلریگه تلفات یتکزیلگن بولیشی ممکن لیگی تاکیدلنگن.

طالبان عصیانچیلری حربی قرارگاه ایشگیده بولگن توسیق لر اورته دن کیتیب پارتلاوچی ماده حربی قرارگاه ایچکریسیده پارتله تیلگنینی ادعا قیلگن.همده اوشبو گروه، پارتلش یوزبیرگنیدن کیین قورال بیلن جهازلنگن طالبان و حربی قرارگاه ده بولگن خارجی وافغان عسکرلری اره سیده توقنه شوولر باشله نیب کیتگنینی ایتگن.

پکتیا تاغلی ولایت لردن بیری بولیب سونگی پیتلرده اوشبو ولایتده ناتینچلیک لر آرتیب باره یاتگنی ایتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.